ଭୁବନେଶ୍ୱର: ପୋଖରୀରେ ବୁଡି ନାବାଳକର ମୃତ୍ୟୁ। ରାଜଧାନୀରେ ଅଭାବନୀୟ ଘଟଣା । ନୟାପଲ୍ଲୀରେ ଏକ ପୋଖରୀରେ ବୁଡି ୧୭ ବର୍ଷୀୟ ନାବାଳକଙ୍କ ମୃତ୍ୟୁ ଘଟିଛି । ତାଙ୍କ ନାଁ ରାହୁଲ ପାତ୍ର। ତାଙ୍କୁ ୧୭ ବର୍ଷ ହୋଇଥିଲା। ତାଙ୍କ ଘର ପଥରବନ୍ଧ ବୋଲି ଜାଣିବାକୁ ମିଳିଛି । ରାହୁଲ ଆଜି ଏଠାକୁ ଗାଧୋଇବାକୁ ଆସିଥିବା ବେଳେ ଗଭୀର ପାଣିରେ ବୁଡ଼ି ଯାଇଥିଲେ। ନାବାଳକ ବୁଡିଯିବାର ଖବର ପାଇ ଅଗ୍ନିଶମ ବାହିନୀ ଟିମ ସେଠାରେ ପହଞ୍ଚିଥିଲା । ଷ୍ଟ୍ରାଇକିଂ ଫୋର୍ସ ସହ ନିକଟସ୍ଥ ଅଗ୍ନିଶମ ବାହିନୀ ଟିମ ସେଠାରେ ପହଞ୍ଚିଥିଲା। ଦୀର୍ଘ ସମୟ ଧରି ଅପରେସନ ପରେ ନାବାଳକ ଜଣଙ୍କର ମୃତଦେହ ମିଳିଥିଲା। ପୁରା ଘଟଣାକୁ ନେଇ ଅପମୃତ୍ୟୁ ମାମଲା ରୁଜୁ କରିବା ସହ ତଦନ୍ତ କରୁଛି ପୋଲିସ ।