ଅଁଳା ଖାଇଲେ କେବଳ ପାଚନତନ୍ତ୍ର ମଜଭୁତ୍ ହୁଏ ନାହିଁ, ଆଣ୍ଠୁଗଣ୍ଠି ମଧ୍ୟ ଶକ୍ତ ହୋଇଥାଏ। ଏପରିକି ସକାଳୁ ଖାଲି ପେଟରେ ଅଁଳା ଖାଇଲେ ସ୍ବାସ୍ଥ୍ୟ ସମ୍ବନ୍ଧୀୟ ଅନେକ ସମସ୍ୟା ଦୂର ହୋଇଥାଏ।
-ଅଁଳାରୁ ପ୍ରଚୁର ମାତ୍ରାରେ ଫାଇବର୍ ମିଳିଥାଏ, ଏହାକୁ ଖାଇଲେ ପେଟ ସମ୍ବନ୍ଧୀୟ ସମସ୍ୟା ଦୂର ହୁଏ। ବିଶେଷକରି କୋଷ୍ଠକାଠିନ୍ୟ ଏବଂ ଅମ୍ଳଦୋଷ ସମସ୍ୟା ରହେ ନାହିଁ।
-ଭିଟାମିନ୍-ସି’ରେ ଭରପୂର ଅଁଳାକୁ ଖାଲି ପେଟରେ ଖାଇବା ଦ୍ବାରା ରୋଗପ୍ରତିରୋଧକ ଶକ୍ତି ମଧ୍ୟ ବୃଦ୍ଧି ପାଏ।
-ଏହା ଶରୀରକୁ ଜୀବାଣୁ ସହିତ ଲଢ଼ିବାକୁ ଶକ୍ତି ପ୍ରଦାନ କରେ।
-ସେହିପରି କ୍ୟାଲସିୟମ ଓ ପଟାସିୟମ ଏଥିରେ ଥିବାରୁ ଆଣ୍ଠୁଗଣ୍ଠି ମଜଭୁତ୍ ହୋଇଥାଏ।
-ତ୍ବଚା ଏବଂ କେଶ ପାଇଁ ଏହା ଉପକାରୀ। ଖାଲି ପେଟରେ ଅଁଳା ଖାଇବା ଦ୍ବାରା ସୌନ୍ଦର୍ଯ୍ୟ ବୃଦ୍ଧି ହୁଏ। ତେବେ ଯେଉଁମାନଙ୍କର ଖାଲିପେଟରେ ଅଁଳା ଖାଇଲେ କିଛି ଶାରୀରିକ ସମସ୍ୟା ଉପୁଜେ ସେମାନେ ଡାକ୍ତରଙ୍କ ପରାମର୍ଶ କରି ଖାଇପାରିବେ।