ବ୍ରହ୍ମପୁର : ମାତ୍ର ୨ହଜାର ଟଙ୍କା ପାଇଁ ଜଣେ ଅନ୍ଯଜଣଙ୍କ ଜୀବନ ନେବାକୁ ପଛାଇ ନାହିଁ। ଦେଖଣାହାରୀ ସାଜିଛନ୍ତି ସ୍ଥାନୀୟ ଲୋକେ। ସର୍ବ ସମ୍ମୁଖରେ ଜଣେ ଅନ୍ଯଜଣଙ୍କୁ ପିଟି ପିଟି ହତ୍ୟା କରିଥିବା ଚିତ୍ର ଏବେ ଭାଇରାଲ ହେବାରେ ଲାଗିଛି। ଏଭଳି ଅଭାବନୀୟ ଘଟଣା ଦେଖିବାକୁ ମିିଳିଛି ଗଞ୍ଜାମ ଜିଲ୍ଲା କବିସୂର୍ଯ୍ଯନଗର ଥାନା ଅନ୍ତର୍ଗତ ଏ ବରିଡା ଗାଁରେ। ମୃତକ ଜଣଙ୍କ ଭାଟପଡା ଗାଁର ଟୁକୁନା ଛଟେଇ ବୋଲି ଜଣାପଡିଛି। ଅଭିଯୁକ୍ତକୁ ମଧ୍ଯ ପୁଲିସ ଗିରଫ କରିଛି। ଖବର ପାଇ ପୁଲିସ ଘଟଣା ସ୍ଥାନରେ ପହଞ୍ଚି ଶବକୁ ଜବତ କରିବା ସହ ଏକ ହତ୍ୟା ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
ଭାଇରାଲ ଭିଡିଓ ଅନୁଯାୟୀ, ଯୁବକ ଜଣଙ୍କୁ ଅନ୍ଯ ଜଣେ ଗାଁ ଦାଣ୍ଡରେ ଧାରୁଆ ଅସ୍ତ୍ରରେ ଘାତକ ଆକ୍ରମଣ କରୁଛନ୍ତି । ଅଞ୍ଚଳବାସୀ ଦେଖି ଚୁପଚାପ୍ ରହିଥିବା ବେଳେ ଜଣେ ମହିଳା ଆକ୍ରମଣକାରୀଙ୍କୁ ପ୍ରତିରୋଧ କରୁଥିବା ଚିତ୍ର ଦେଖିବାକୁ ମିଳିଛି । ତଥାପି ଦୁର୍ବୃତ୍ତ ଜଣଙ୍କ ଭ୍ରୁକ୍ଷେପ ନକରି ଆକ୍ରମଣ କରି ଚାଲିଛି।