ନୂଆଦିଲ୍ଲୀ: ନୂଆବର୍ଷରେ ମଧ୍ୟପ୍ରଦେଶର କୁନୋ ଜାତୀୟ ଉଦ୍ୟାନରୁ ଆସିଛି ଖୁସି ଖବର। କୁନୋରେ ମାଈ ଚିତା ଆଶା ତିନି ଶାବକ ଜନ୍ମ ଦେଇଛି। ବର୍ତ୍ତମାନ ଏହି ତିନି ଶାବକ ସୁସ୍ଥ ଅଛନ୍ତି। କେନ୍ଦ୍ର ପରିବେଶ ମନ୍ତ୍ରୀ ଭୂପେନ୍ଦ୍ର ସିଂହ କୁନୋ ନାସନାଲ ପାର୍କରେ ଜନ୍ମିତ ଚିତାଙ୍କ ତିନି ଶାବକଙ୍କ ଏକ ଭିଡିଓ ସେୟାର କରିଛନ୍ତି। ଏଥିରେ ତିନି ଶାବକ ସୁସ୍ଥ ନଜର ଆସିଛନ୍ତି।
ସୂଚନାଥାଉକି, କୁନୋ ନାସନାଲ ପାର୍କକୁ ୨୦୨୨ ସେପ୍ଟେମ୍ବର ୧୭ରେ ୮ ଚିତା ଅଣାଯାଇଥିଲା। ଏହି ସବୁ ଚିତା ନାମିବ୍ୟାରୁ ଅଣାଯାଇଥିଲା। ଏହି ଗ୍ରୁପ୍ରେ ରହିଥିଲା ମାଈ ଚିତା ଆଶା। ତେବେ ଏହି ନୂଆ ଶାବକଙ୍କ ସହ ବର୍ତ୍ତମାନ କୁନୋ ଜାତୀୟ ଉଦ୍ୟାନରେ ଚିତା ସଂଖ୍ୟା ୧୮ରେ ପହଞ୍ଚିଛି।
ଭାରତରେ ଚିତା ପ୍ରୋଜେକ୍ଟ ଅନୁଯାୟୀ, ପର୍ଯ୍ୟାୟକ୍ରମେ ନାମିବ୍ୟାରୁ ୮ ଏବଂ ଦକ୍ଷିଣ ଆଫ୍ରିକାରୁ ୧୨ ଚିତା ଅଣାଯାଇଥିଲା। ତେବେ କୁନୋରେ ୬ ଚିତାଙ୍କ ମୃତ୍ୟୁ ଘଟିଥିଲା। ହେଲେ ଏବେ ତିନି ଶାବକଙ୍କ ଜନ୍ମ ପରେ କୁନୋରେ ଚିତାଙ୍କ ସଂଖ୍ୟାରେ ବୃଦ୍ଧି ହୋଇଛି।