ନୂଆଦିଲ୍ଲୀ: ‘ଟି-୨୦ ବିଶ୍ୱକପ୍’ରେ ଆଜି ପାକିସ୍ତାନକୁ ୫ ଓ୍ୱିକେଟ୍ରେ ହରାଇ ଇଂଲଣ୍ଡ ଟି-୨୦ ବିଶ୍ୱକପ୍ ଚାମ୍ପିୟନ୍ ହୋଇଛି। ଷ୍ଟୋକ୍ସଙ୍କ ଅପରାଜିତ ଅର୍ଦ୍ଧଶତକ ବଳରେ ଇଂଲଣ୍ଡ ଚାମ୍ପିୟନ୍ ହୋଇଛି। ସେପଟେ ବୋଲରଙ୍କ ପ୍ରଶଂସନୀୟ ଉଦ୍ୟମ ସତ୍ତ୍ୱେ ହାରିଛି ପାକିସ୍ତାନ। ଏଥିସହ ଟି-୨୦ ଫର୍ମାଟ୍ରେ ଦ୍ୱିତୀୟ ଥର ପାଇଁ ଇଂଲଣ୍ଡ ବିଶ୍ୱ ଚାମ୍ପିୟନ୍ ହୋଇଛି। ଏହା ପରେ ଭାରତର ପୂର୍ବତନ ବିସ୍ଫୋରକ ଅଲରାଉଣ୍ଡର ଯୁବରାଜ ସିଂହଙ୍କ ନାଁ ଟ୍ବିଟରରେ ଟ୍ରେଣ୍ଡ କରିବାରେ ଲାଗିଛି। ଷ୍ଟୋକ୍ସଙ୍କୁ ଯୁବରାଜଙ୍କ ସହ ତୁଳନା କରାଯାଉଛି। ଯୁବରାଜ ସିଂହ ଯେପରି ଏକ ସଫଳ ଅଲରାଉଣ୍ଡ ରହିଥିଲେ ବେନ ଷ୍ଟୋକ୍ସ ମଧ୍ୟ ଆଜିର ଜେନେରସର ଏକ ସଫଳ ଅଲରାଉଣ୍ଡର ବୋଲି ପ୍ରଶଂସକମାନେ ଟ୍ବିଟ କରୁଥିବାର ଦେଖିବାକୁ ମିଳିଛି।
ଇଂଲଣ୍ଡକୁ ୨ଟି ବିଶ୍ବକପ ଜିତାଇବରେ ବେନ ଷ୍ଟୋକ୍ସଙ୍କ ଅବଦାନକୁ ପ୍ରଶଂସଙ୍କମାନେ କେବେ ଭୁଲି ପାରିବେନି । ପ୍ରଥମେ ୨୦୧୯ରେ ଦିନିକିଆରେ ଚାମ୍ପିଅନ୍ କରାଇବା ପରେ ଆଜି ଟି-୨୦ରେ ପୁଣି ଥରେ ଚାମ୍ପିୟନ୍ କରାଇଛନ୍ତି।