ବର୍ମିଂହାମ: ୨୨ତମ ରାଜ୍ୟଗୋଷ୍ଠୀ କ୍ରୀଡ଼ାର ୧୦ମ ଦିନରେ ଭାରତର ମେଡାଲ ବର୍ଷା ଦେଖିବାକୁ ମିଳିଛି । ଟ୍ରିପଲ ଜମ୍ପରେ ଭାରତକୁ ଦୁଇଟି ପଦକ ମିଳଛି । ଟ୍ରିପଲ ଜମ୍ପରେ ଭାରତୀୟ ପ୍ରଥମ ଥର ପ୍ରଥମ ଓ ଦ୍ୱିତୀୟ ସ୍ଥାନରେ ରହି ପଦକ ହାତେଇଛି । ଭାରତର ଏଲଡୋସ ପଲ ୧୭.୦୩ ମିଟର ଜମ୍ପ ସହ ସ୍ୱର୍ଣ୍ଣ ପଦକ ଜିତିଛନ୍ତି । ସେହିପରି ଅବଦୁଲା ଅବୁବକାର ୧୭.୦୨ ମିଟର ଜମ୍ପ କରି ରୌପ୍ୟ ପଦକ ହାସଲ କରିଛନ୍ତି । ଏହି ଦୁଇ ଭାରତୀୟ ପ୍ରତିଯୋଗୀଙ୍କ ମଧ୍ୟରେ କେବଳ ୧ସେମି ଦୂରତା ରହିଥିଲା ।
ସେହିପରି ୧୦ ହଜାର ମିଟର ରେସ୍ ୱାକ୍ରେ ଭାରତର ସନ୍ଦୀପ କୁମାର ବ୍ରୋଞ୍ଜ୍ ପଦକ ହସଲ କରିଛନ୍ତି। ମହିଳା ଜାଭଲିନ୍ରେ ଭାରତକୁ ମଧ୍ଯ ବ୍ରୋଞ୍ଜ୍ ପଦକ ମିଳିଛି। ଅନୁ ରାଣୀ ଭାରତ ପାଇଁ ଏହି ବ୍ରୋଞ୍ଜ୍ ପଦକ ଜିତିଛନ୍ତି।