ମୁମ୍ବାଇ: ଆଇପିଏଲ ୨୦୨୨ର ଦ୍ୱିତୀୟ ମ୍ୟାଚ୍ରେ ମୁମ୍ବାଇ ଇଣ୍ଡିଆନ୍ସ ଓ ଦିଲ୍ଲୀ କ୍ୟାପିଟାଲ୍ସ ମୁହାଁମୁହିଁ ହୋଇଛନ୍ତି। ଏହି ମ୍ୟାଚ୍ରେ ଦିଲ୍ଲୀ ଅଧିନାୟକ ଋଷଭ ପନ୍ତ ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ । ମୁମ୍ବାଇ ପ୍ରଥମେ ବ୍ଯାଟିଂ କରି ୨୦ ଓଭରରେ ୫ ୱିକେଟ ହରାଇ ୧୭୭ ରନ କରିଥିବା ବେଳେ ଦିଲ୍ଲୀ କ୍ୟାପିଟାଲ୍ସକୁ ଏହି ମ୍ଯାଚ ଜିତିବାକୁ ହେଲେ ୧୭୮ ରନ କରିବାକୁ ପଡ଼ିବ।
ମୁମ୍ବାଇ ପକ୍ଷରୁ ଈଶାନ କିଶନ ଏକ ଧୂଆଁଦାର ଇନିଂସ ଖେଲିଥିଲେ। ୪୮ ବଲରେ ୮୧ ରନ କରି ଅପରାଜିତ ରହିଥିଲେ। ରୋହିତ ଶର୍ମା ୪୧, ଅନମୋଲପ୍ରତି ସିଂ ୮, ତିଲକ ଭର୍ମା ୨୨, କାଏରନ ପୋଲାର୍ଡ ୩, ଟିମ ଡେଭିଡ ୧୨ ରନ କରି ଆଉଟ ହୋଇଥିବା ବେଳେ ଡାନିଏଲ ସାମ୍ସ ୭ ରନ ରନ କରି ଅପରାଜିତ ରହିଥିଲେ।
ଦିଲ୍ଲୀ ପକ୍ଷରୁ କୁଲଦୀପ ସର୍ବାଧିକ ୩ ୱିକେଟ ନେଇଥିବା ବେଳେ ମହମ୍ମଦ ଖଲ୍ଲୀଲ ୨ଟି ୱିକୋଟ ଅକ୍ତିଆର କରିଥିଲେ।