ଆସାମର ବ୍ରହ୍ମପୁତ୍ର ନଦୀରେ ଦୁଇ ଡଙ୍ଗା ମୁହାଁମୁହିଁ ଧକା । ୫୦ରୁ ଅଧିକ ଯାତ୍ରୀ ନିଖୋଜ ସୂଚନା । SDRF ଟିମର ଉଦ୍ଧାର କାର୍ଯ୍ୟ ଜାରି । ଦୁଇଟି ଡଙ୍ଗାରେ ୧୨୦ରୁ ଅଧିକ ଲୋକ ଥିଲେ । ମୁହାଁମୁହିଁ ଧକା ପରେ ଓଲଟିଲା ଦୁଇଟି ଯାକ ଡଙ୍ଗା । ଏହି ଘଟଣାରେ ଦୁଃଖ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା । ଏଥିସହିତ ସେ ମାଜୁଲା ଓ ଜୋରହାଟ ଜିଲ୍ଲା ପ୍ରଶାସନକୁ NDRF ଓ SDRF ସହାୟତାରେ ଉଦ୍ଧାର କାର୍ଯ୍ୟ ପାଇଁ ନିର୍ଦ୍ଦେଶ ଦେଇଛନ୍ତି । ଆହୁରି ମଧ୍ୟ ସେ ମନ୍ତ୍ରୀ ବିମଳ ବୋରାହଙ୍କୁ ଘଟଣାସ୍ଥଳରେ ଶୀଘ୍ର ପହଞ୍ଚି ସ୍ଥିତି ଅନୁଧ୍ୟାନ ପାଇଁ ନିର୍ଦ୍ଦେଶ ମଧ୍ୟ ଦେଇଛନ୍ତି । ତେବେ ଗତକାଲି ସ୍ଥିତି ଅନୁଧ୍ୟାନ ପାଇଁ ସେ ଘଟଣାସ୍ଥଳକୁ ଯିବେ ବୋଲି ଟ୍ୱିଟ୍ ଯୋଗେ ସୂଚନା ଦେଇଛନ୍ତି ।