ଚିନ୍ତା ବଢାଇଲା ଓମିକ୍ରନ। ଆସିଲା ଓମିକ୍ରନରେ ଆକ୍ରାନ୍ତ ହୋଇ ପ୍ରଥମ ମୃତ୍ଯୁ ମାମଲା।  ବ୍ରିଟେନରେ ଓମିକ୍ରନରେ ଆକ୍ରାନ୍ତ ହୋଇଥିବା ପ୍ରଥମ ବ୍ୟକ୍ତିଙ୍କ ମୃତ୍ୟୁ ଘଟିଛି । ଏନେଇ ସୂଚନା ଦେଇଛନ୍ତି ବ୍ରିଟେନ୍ ପ୍ରଧାନମନ୍ତ୍ରୀ ବୋରିସ୍ ଜନସନ୍ । ଏହି ଘଟଣା ପରେ ବ୍ରିଟେନ ତଥା ଅନ୍ୟ ରାଷ୍ଟ୍ର ମାନଙ୍କରେ ଏକ ପ୍ରକାର ଆତଙ୍କ ସୃଷ୍ଟି ହୋଇଛି । ଆସନ୍ତା ଏପ୍ରିଲ ସୁଦ୍ଧା ଓମିକ୍ରନ ଯୋଗୁଁ ଦେଶରେ ୭୫,୦୦୦ ଉର୍ଦ୍ଧ୍ବ ଲୋକଙ୍କ ମୃତ୍ୟୁ ହେବ ବୋଲି ଗବେଷଣା ଆଧାରରେ ସୂଚନା ଦେଇଥିଲେ ବୈଜ୍ଞାନିକ । ତେଣୁ କଟକଣା ନବଢିଲେ ପରିସ୍ଥିତି ଅଣାୟତ୍ତ ହେବ ବୋଲି ସତର୍କ କରିଥିଲେ ବୈଜ୍ଞାନିକ । ଏବେ ଓମିକ୍ରନର ପ୍ରଥମ ମୃତ୍ୟୁ ଘଟଣା ପରେ ବୈଜ୍ଞାନିକଙ୍କ ସତର୍କ ବାଣୀକୁ ନେଇ ଆଲୋଚନା ଜୋର ଧରିଛି ।