ନୂଆଦିଲ୍ଲୀ: ଅନଲାଇନ​‌ରେ ଜିନିଷ କିଣିବା ଏବଂ ବିକ୍ରି ସୁବିଧା ପ୍ରଦାନ କରୁଥିବା କମ୍ପାନୀ OLX ଏହାର କିଛି କର୍ମଚାରୀଙ୍କୁ ଛଟେଇ କରିଛି।  OLX  ଭିନ୍ନଭିନ୍ନ ବିଭାଗରୁ ପ୍ରାୟ ୮୦୦ କର୍ମଚାରୀଙ୍କୁ ଚାକିରିରୁ ବାହାର କରିଛି। ଏହି ନିଷ୍ପତ୍ତିର ପ୍ରଭାବ OLXର ପ୍ୟରେଣ୍ଟ କମ୍ପାନୀ କର୍ମଚାରୀଙ୍କ ଉପରେ ପଡ଼ିଛି।

ଖବର ଅନୁଯାୟୀ, ଏହାର କିଛି ସ୍ଥାନରେ ଥିବା Olx Autos ନାମକ ଏହାର କାର୍‌ ବିକ୍ରି ବ୍ୟବସାୟକୁ ବନ୍ଦ କରିବାକୁ ନିଷ୍ପତ୍ତି ନେଇଛି। କମ୍ପାନୀ କାରବାରକୁ ଚାଲୁ ରଖିବା ପାଇଁ ନିବେଶକଙ୍କ କିମ୍ବା ଗ୍ରାହକଙ୍କ ଖୋଜିବାକୁ ଚେଷ୍ଟା କରିଥିଲା କିନ୍ତୁ ଦୁର୍ଭାଗ୍ୟର ଏହାର ସମାଧାନ ହୋଇପାରି ନ ଥିଲା। ଯାହା ଫଳରେ ଏହାକୁ ବନ୍ଦ କରିବାକୁ କଠିନ ନିଷ୍ପତ୍ତି ନେବାକୁ ପଡ଼ିଲା। କିଛି ସପ୍ତାହ ତଳେ OLX  ଗ୍ରୁପ୍‌ ନିଜ କର୍ମଚାରୀଙ୍କ ସଂଖ୍ୟାରେ ୧୫% କମ୍‌ କରିବାକୁ ଯୋଜନା କରୁଥିବା ନେଇ ଘୋଷଣା କରିଥିଲା। ତେବେ କମ୍ପାନୀ ଛଟେଇ ହୋଇଥିବା କର୍ମଚାରୀଙ୍କୁ ସାହଯ୍ୟ ଯୋଗାଇବ ବୋଲି ମଧ୍ୟ କହିଛି।