ଲଣ୍ଡନ: ବିଦେଶୀରେ ପୁଣି ଜଣେ ଭାରତୀୟ ବଂଶୋଦ୍ଭବଙ୍କୁ ଗୁରୁ ଦାୟିତ୍ୱ ଦିଆଯାଇଛି। ବାସ୍ତୁକାର ତଥା ଡିଜାଇନ ଆଡଭୋକେଟ ନୈରିତା ଚକ୍ରବର୍ତ୍ତୀ ‘ହିଷ୍ଟୋରିକ ଇଂଲଣ୍ଡ’ ର କମିଶନର ନିଯୁକ୍ତ ହୋଇଛନ୍ତି। ଏହି ପ୍ରତିଷ୍ଠାନ ଇଂଲଣ୍ଡରେ ପରିବେଶ ଏବଂ ଐତିହାସିକ ଧରୋହରର ସୁରକ୍ଷା ଦାୟିତ୍ୱ ନେଉଛି। କମିଶନର ନିଯୁକ୍ତ ହେବାପରେ ଚକ୍ରବର୍ତ୍ତୀ କହିଛନ୍ତି ଯେ ସହଯୋଗୀଙ୍କ ସହ କାମ କରିବାକୁ ସେ ଉତ୍ସାହିତ ଅଛନ୍ତି। ସହଯୋଗୀମାନେ ତାଙ୍କୁ ଭଲ କାମ କରିବାକୁ ପ୍ରେରଣା ଏବଂ ପରାମର୍ଶ ଯୋଗାଇଥାନ୍ତି। ଏବେ ଅତ୍ୟଧିକ ଆହ୍ବାନର ସମୟ ଦେଇ ଗତି କରୁଛେ। ଏହି ସଂସ୍ଥା ଆମର ସାଂସ୍କୃତିକ ପରିଚୟକୁ ବୃଦ୍ଧି କରୁଛି ଏବଂ ସମାଜକୁ ଗୁରୁତ୍ବପୂର୍ଣ୍ଣ ଯୋଗଦାନ ଦେଉଛି।
ସୂଚନା ଅନୁଯାୟୀ ଦିଲ୍ଲୀରେ ନୈରିତାଙ୍କ ଲାଳନପାଳନ ଏବଂ ପାଠପଢ଼ା ହୋଇଛି। ସେ ପରେ ‘ସ୍କୁଲ ଅଫ ପ୍ଲାନିଂ ଆଣ୍ଡ ଆର୍କିଟେକ୍ଚର’ରେ ପଢିବା ପାଇଁ ବ୍ରିଟେନ ଚାଲି ଯାଇଥିଲେ। ସେ ପୂର୍ବରୁ ‘ହିଷ୍ଟୋରିକ ଇଂଲଣ୍ଡ’ ମାର୍ଗଦର୍ଶକ କମିଟିର ସଦସ୍ୟ ଥିଲେ। ସେ କମିଶନର ପଦରେ ୪ ବର୍ଷ ପାଇଁ କାର୍ଯ୍ୟ କରିବେ।