ହରିୟାଣା: ଗୋଟିଏ ସ୍କୁଲର ୫୪ ଛାତ୍ରଙ୍କୁ କରୋନା

ହରିୟାଣା: ପୁଣି ଥରେ କାୟା ବିସ୍ତାର କରୁଛି କରୋନା। ହରିୟାଣାର କର୍ଣ୍ଣଲ ଜିଲ୍ଲାର ଏକ ହଷ୍ଟେଲର ୫୪ ଜଣ ଛାତ୍ର କରୋନା ସଂକ୍ରମିତ ହୋଇଛନ୍ତି। ଖବର ପାାଇ ସ୍ୱାସ୍ଥ୍ୟ ବିଭାଗ ଦଳ ହଷ୍ଟେଲରେ ପହଞ୍ଚିଛନ୍ତି। ଉକ୍ତ ଅଞ୍ଚଳକୁ କଣ୍ଟେନମେଣ୍ଟ ଜୋନ୍ ଭାବରେ ଘୋଷଣା କରାଯାଇଛି।

ସୂଚନା ଅନୁଯାୟୀ, ସୋମବାର ୩ ଜଣ ଶିକ୍ଷାର୍ଥୀ କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଥିଲା। ଏହାପରେ କଣ୍ଟାକ୍ଟ ଟ୍ରେସିଂ ଓ ଅଧିକ ଶିକ୍ଷାର୍ଥୀଙ୍କ କରୋନା ଟେଷ୍ଟ କରାଯିବାରୁ ଆଜି ସୁଦ୍ଧା ୫୪ ଜଣଙ୍କ ରିପୋର୍ଟ ପଜିଟିଭ ଆସିଛି।

54 students of a school hostel have tested positive for COVID-19 in Karnal, Haryana. Our medical teams have reached the spot and the hostel is being marked as a containment zone: Yogesh Kumar Sharma, Civil Surgeon, Karnal pic.twitter.com/DZrONIenwp

ଆହୁରି ପଢ଼ନ୍ତୁ: ଟ୍ରମ୍ପଙ୍କ ପ୍ରତ୍ୟାଖ୍ୟାନ ପରେ ହୁଥି ବିଦ୍ରୋହୀଙ୍କ ବିରୋଧରେ ବିମାନ ଆକ୍ରମଣ ପାଇଁ ପ୍ରସ୍ତୁତ ହେଉଛି ସାଉଦି ଆରବ

— ANI (@ANI) March 2, 2021

ସୋମବାର ହରିୟାଣାରେ କରୋନାରେ ଦୁଇଜଣ ରୋଗୀଙ୍କର ମୃତ୍ୟୁ ହୋଇଥିଲା । ମୃତକ ଦୁଇ ଜଣଙ୍କ ମଧ୍ଯରୁ ଜଣଙ୍କର ଘର ହିସାରର ହୋଇଥିବା ଅନ୍ଯଜଣଙ୍କର ଘର ଫରିଦାବାଦର ବୋଲି ଜଣାପଡ଼ିଛି। ଏବେ ହରିୟାଣାର ୧୬୬ ନୂତନ ସଂକ୍ରମଣ ମାମଲା ଥିବାବେଳେ ୧୫୧ ରୋଗୀ ସୁସ୍ଥ ହୋଇ ଘରକୁ ଫେରିଛନ୍ତି। ନୂତନ ମାମଲାଗୁଡ଼ିକ ମଧ୍ୟରେ ଗୁରୁଗ୍ରାମରେ ସର୍ବାଧିକ ୩୬, କୁରୁକ୍ଷେତ୍ରରେ ୩୨, କର୍ଣ୍ଣଲରେ ୨୧, ପାନିପାତରେ ୧୯ ଏବଂ ଅମ୍ବାଲାରେ ୧୪ ଟି ନୂଆ କରୋନା ମାମଲା ଦେଖିବାକୁ ମିଳିଛି।  ଅବଶିଷ୍ଟ ଜିଲ୍ଲାରେ ୧୪ ରୁ କମ୍ ମାମଲା ଦେଖିବାକୁ ମିଳିଛି।