ଇରାନରେ ଆଉ ୩ ଆନ୍ଦୋଳନକାରୀଙ୍କୁ ମୃତ୍ୟୁଦଣ୍ଡ

By The Sakala

Published On Nov 18, 2022 10:09 AM IST

ତେହେରାନ: ଇରାନରେ ହିଜାବ ବିରୋଧୀ ଆନ୍ଦୋଳନ ବନ୍ଦ ହେବାର ନା ଧରୁ ନଥିବା ବେଳେ ଆନ୍ଦୋଳନକାରୀଙ୍କ ବିରୋଧରେ ଇରାନ ସରକାର ଦିନକୁ ଦିନ ଅଧିକ କଠୋର ହେବାରେ ଲାଗିଛନ୍ତି। ଆନ୍ଦୋଳନକାରୀଙ୍କୁ ମୃତ୍ୟୁଦଣ୍ଡ ଦିଆଯାଉଥିବାରୁ ସାରା ବିଶ୍ବରେ ତୀବ୍ର ପ୍ରତିକ୍ରିୟା ସୃଷ୍ଟି କରିଛି। ପୂର୍ବରୁ ଦୁଇ ଜଣ ଆନ୍ଦୋଳନକାରୀଙ୍କୁ ମୃତ୍ୟୁଦଣ୍ଡ ଦେଇଥିବା ଇରାନୀ ଅଦାଲତ ଗୁରୁବାର ଆଉ ୩ ଜଣ ଆନ୍ଦୋଳନକାରୀଙ୍କୁ ମୃତ୍ୟୁଦଣ୍ଡ ଶୁଣାଇଛନ୍ତି । ଏହା ଫଳରେ ଚଳିତ ସପ୍ତାହରେ ମୋଟ ୫ ଜଣଙ୍କୁ ମୃତ୍ୟୁଦଣ୍ଡ ଦିଆସରିଲାଣି […]

ତେହେରାନ: ଇରାନରେ ହିଜାବ ବିରୋଧୀ ଆନ୍ଦୋଳନ ବନ୍ଦ ହେବାର ନା ଧରୁ ନଥିବା ବେଳେ ଆନ୍ଦୋଳନକାରୀଙ୍କ ବିରୋଧରେ ଇରାନ ସରକାର ଦିନକୁ ଦିନ ଅଧିକ କଠୋର ହେବାରେ ଲାଗିଛନ୍ତି। ଆନ୍ଦୋଳନକାରୀଙ୍କୁ ମୃତ୍ୟୁଦଣ୍ଡ ଦିଆଯାଉଥିବାରୁ ସାରା ବିଶ୍ବରେ ତୀବ୍ର ପ୍ରତିକ୍ରିୟା ସୃଷ୍ଟି କରିଛି। ପୂର୍ବରୁ ଦୁଇ ଜଣ ଆନ୍ଦୋଳନକାରୀଙ୍କୁ ମୃତ୍ୟୁଦଣ୍ଡ ଦେଇଥିବା ଇରାନୀ ଅଦାଲତ ଗୁରୁବାର ଆଉ ୩ ଜଣ ଆନ୍ଦୋଳନକାରୀଙ୍କୁ ମୃତ୍ୟୁଦଣ୍ଡ ଶୁଣାଇଛନ୍ତି । ଏହା ଫଳରେ ଚଳିତ ସପ୍ତାହରେ ମୋଟ ୫ ଜଣଙ୍କୁ ମୃତ୍ୟୁଦଣ୍ଡ ଦିଆସରିଲାଣି ।

‘ଇରାନ ହ୍ୟୁମାନ ରାଇଟ୍ସ’ ମାନବାଧିକାର ସଂଗଠନର ରିପୋର୍ଟ ଅନୁସାରେ ଆହୁରି ୨୦ ଆନ୍ଦୋଳନକାରୀଙ୍କୁ ମୃତ୍ୟୁଦଣ୍ଡ ଦେବା ଲାଗି ବିଚାର ଚାଲିଛି। ଆନ୍ଦୋଳନକାରୀଙ୍କୁ କଡ଼ା ଜବାବ ଦେବା ଲକ୍ଷ୍ୟରେ ଇରାନ ସରକାର ଏଭଳି ଆଭିମୁଖ୍ୟ ଗ୍ରହଣ କରିଥିବା ଉକ୍ତ ସଂଗଠନ କହିଛି।ତେବେ ଇରାନରେ ୧୫ ହଜାର ଲୋକଙ୍କୁ ମୃତ୍ୟୁଦଣ୍ଡ ଦିଆଯାଇଛି ବୋଲି କେତେକ ଗଣମାଧ୍ୟମରେ ପ୍ରକାଶିତ ଖବରକୁ ଖଣ୍ଡନ କରାଯାଇଛି। ଉଲ୍ଲେଖଯୋଗ୍ୟ ଯେ, ହିଜାବ ବିରୋଧୀ ଆନ୍ଦୋଳନରେ ବର୍ତ୍ତମାନ ସୁଦ୍ଧା ୪୩ ଶିଶୁଙ୍କ ସମେତ ୩୪୨ ଜଣଙ୍କ ମୃତ୍ୟୁ ହୋଇସାରିଲାଣି।