ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ଆତଙ୍କରାଜ । ସହିଦନଗର ଥାନା ବାଙ୍କୁଆଳରେ ଥିବା ଏକ ଆପର୍ଟମେଣ୍ଟରେ ଯୁବକଙ୍କ ଆତଙ୍କରାଜ। ଆପର୍ଟମେଣ୍ଟରେ ପଶି ଟେକା ପଥର ମାଡ଼ କରିବା ସହ ଭଙ୍ଗାରୁଜା କରିଛନ୍ତି କିଛି ଦୁର୍ବୁତ୍ତ। ଏନେଇ ଆପର୍ଟମେଣ୍ଟ ବାସିନ୍ଦା ଥାନାରେ ଏତଲା ଦେଇଛନ୍ତି।
ସୂଚନା ଅନୁସାରେ, ଦୁଇ ଜଣ ଯୁବକ ନିଶାସକ୍ତ ଅବସ୍ଥା଼ରେ ଗତକାଲି ଅପରାହ୍ଣ ପ୍ରାୟ ୪ଟା ସମୟରେ ଏକ ଆପାର୍ଟମେଣ୍ଟ ଭିତରେ ପଶି ହଠାତ ଟେକା ପଥର ମାଡ଼ କରିବା ସହ ପାର୍କିଂରେ ଥିବା ସାଇକେଲ ଓ ଗାଡ଼ି ଭଙ୍ଗାରୁଜା ମଧ୍ୟ କରିଥିଲେ । କେବଳ ଏତିକି ନୁହେଁ ଆପାର୍ଟମେଣ୍ଟରେ ନିୟୋଜିତ ଥିବା ସିକ୍ୟୁରିଟି ଗାର୍ଡ଼ଙ୍କୁ ମଧ୍ୟ ମାଡ଼ ମାରିଥିବା ଅଭିଯୋଗ ହୋଇଛି । ଘଟଣା ପରେ ସେଠି ରହୁଥିବା ଲୋକମାନେ ଭୟଭୀତ ହୋଇଯାଇଛନ୍ତି ଓ ଏ ନେଇ ଥାନାରେ ଏତଲା ବି ଦେଇଛନ୍ତି ।
ସୋଶିଆଲ ମିଡିଆରେ ଏ ନେଇ ଏକ ଭିଡିଓ ବି ଭାଇରାଲ ହେଉଛି । ତେବେ ଏହି ଭିଡିଓ ଆଧାରରେ ପୋଲିସ ଏହି ଦୁଇ ଯୁବକଙ୍କୁ ଚିହ୍ନଟ କରିବା ସହ ତାଙ୍କୁ ଗିରଫ କରିବାକୁ ତଦନ୍ତ ଚଲାଇଛି। ତେବେ ଏହି ୨ ଦୁର୍ବୃତ୍ତ ଦୁଇଜଣ ସ୍ଥାନୀୟ ବାସିନ୍ଦା ହୋଇଥିବା ସନ୍ଦେହ କରାଯାଉଛି।