ଭୁବନେଶ୍ବର: ମୁହଁ ଖୋଲିଲେ SI ଚାକିରି ଆଶାୟୀ। ୨୫ ଲକ୍ଷ ଟଙ୍କା ଦେଇପାରିଲେନି ବୋଲି ଆଜି ଚାକିରି ପାଇବାରୁ ବଞ୍ଚିତ ହେଲେ। OPRB ପକ୍ଷରୁ ହୋଇଥିବା ଘୋଟାଲା ସମ୍ପର୍କରେ ଗୋଟି ଗୋଟି କରି ଏକ ବୈଦ୍ଯୁତ ଗଣମାଧ୍ଯମକୁ କହିଛନ୍ତି ଜଣେ SI ଚାକିରି ଆଶାୟୀ।

ସେପଟେ କ୍ରାଇମବ୍ରାଞ୍ଚ ସୂତ୍ରରୁ ମିଳିଛି ସାଙ୍ଘାତିକ ସୁରାକ। ୩ ଶହ ଏସଆଇ ପଦବୀ ହୋଇଯାଇଥିଲା ବିକ୍ରି । ବସରେ ଯାଇଥିବା ୧୧୪ ଜଣ ଗିରଫ ହେବା ପରେ ଆଉ ୧୮୬ ଜଣ ଟ୍ରେନ ରେ ଯାଇଥିବା ଆଶାୟୀ ଫେରାର ହୋଇଯାଇଛନ୍ତି। ସେମାନଙ୍କୁ ଧରିବା ପାଇଁ ଆରମ୍ଭ ହୋଇଛି ଛାନଭିନ। ସେମାନଙ୍କୁ ତାଲିକା ଧରି ଖୋଜୁଛି କ୍ରାଇମବ୍ରାଞ୍ଚ। ଏପରିକି ସେମାନଙ୍କ ଅରିଜିନାଲ ସାର୍ଟିଫିକେଟ ମଧ୍ୟ ଏବେ ଦଲାଲ ପାଖେ ରହିଯାଇଥିବା ଜାଣିବାକୁ ପାଇଛି ତଦନ୍ତକାରୀ ସଂସ୍ଥା । ସେପଟେ ପୋଲିସ ଏସାଇ ପରୀକ୍ଷା ସ୍କାମ କେସରେ କ୍ରାଇମବ୍ରାଞ୍ଚକୁ ମିଳିଛି ଗୁରୁତ୍ଵପୂର୍ଣ୍ଣ ତଥ୍ଯ । ସିଲିକନ୍, ପଞ୍ଚସଫ୍ଟ କାମ ପାଇବାକୁ ନେଇ ସମ୍ପୂର୍ଣ୍ଣ ଭାବେ OPRB କୁ ଜଣା ଥିଲା ।  OPRB ଗୋଚରରେ ସବୁ କିଛି ପରିଚାଳିତ ହେଉଥିଲା। ଏପରିକି ପରୀକ୍ଷାର୍ଥୀଙ୍କ ଆଡ଼ମିଟ କାର୍ଡ ତିଆରି କରିସାରିଥିଲା ପଞ୍ଚସଫ୍ଟ । ଆଡ଼ମିଟ କାର୍ଡ ପ୍ରସ୍ତୁତ ସହ ଟଙ୍କା ଦେଇଥିବା ଆଶାୟୀଙ୍କ ତାଲିକା ନେଇ ନିଜ ସେଟିଂରେ ଥିବା ପରୀକ୍ଷା ସେଣ୍ଟରରେ କରାଯାଇଥିଲା ବ୍ୟବସ୍ଥା। ସ୍ପେଶାଲ ଟିମ ବର୍ତ୍ତମାନ ବିଭିନ୍ନ ସ୍ଥାନରେ ଚଢ଼ାଉ କରୁଥିବା ବେଳେ ବର୍ତ୍ତମାନ ସୁଦ୍ଧା ମାଷ୍ଟର ମାଇଣ୍ଡ ଶଙ୍କର ପୃଷ୍ଟିର ଟେର ପାଇନାହିଁ।