ସମ୍ବଲପୁର:  ପାଣିରେ ବୁଡ଼ି ବୁର୍ଲା ଭିମସାର୍‌ର ଦୁଇ ଡାକ୍ତରୀ ଛାତ୍ରଛାତ୍ରୀଙ୍କ ମୃତ୍ୟୁ ହୋଇଛି। ଉଭୟ ବୁର୍ଲା ଭିମସାର୍‌ର ଶେଷ ବର୍ଷର ଛାତ୍ରୀଛାତ୍ରୀ ବୋଲି ଜଣାପଡିଛି।

ମିଳିଥିବା ସୂଚନା ମୁତାବକ ବୁର୍ଲା ମେଡିକାଲ୍‌ କଲେଜ୍‌ର ୬ ଛାତ୍ରଛାତ୍ରୀ ଆଜି ଯୁଯୁମରା ସ୍ଥିତ ଦେବଝରଣ ଜଳ ପ୍ରପାତ ବୁଲିଯାଇଥିଲେ। ସେଠାରେ ସାଙ୍ଗ ମାନଙ୍କ ସହ ଗାଧୋଇବା ସମୟରେ ଦୁଇ ଡାକ୍ତରୀ ଛାତ୍ରଛାତ୍ରୀ ବୁଡିଯାଇଥିଲେ। ଖବର ପାଇ ଅଗ୍ନିଶମ ବିଭାଗ ଦୁଇ ଛାତ୍ରଛାତ୍ରୀଙ୍କୁ ଉଦ୍ଧାର କରିଥିବା ବେଳେ ତାଙ୍କର ମୃତ୍ୟୁ ହୋଇଯାଇଥିବା ଜଣାପଡିଛି। ମୃତକ ଛାତ୍ର ଜଣଙ୍କ ନାମ ସନ୍ଦୀପ ପୁରୀ ଓ ଛାତ୍ରୀ ମୋନିକା ମୀନା ବୋଲି ଜଣାପଡିଛି।