ଭୁବନେଶ୍ୱର: ଭୁବନେଶ୍ୱରରେ ପୁଣି ଏକ ଲଜ୍ୟାଜନକ ଘଟଣା ସାମ୍ନାକୁ ଆସିଛି। ଦାଦାଙ୍କ ନାମରେ ଦୁଷ୍କର୍ମ ଅଭିଯୋଗ ଆଣିଲେ ଝିଆରୀ। ନାବାଳିକା ସମୟରୁ ସେ ତାଙ୍କୁ ଘରେ ରଖିବା ଆଳରେ ଭୁବନେଶ୍ୱର ଡକାଇଥିଲେ। ଏହାପରେ ତାଙ୍କୁ ବର୍ଷ ବର୍ଷ ଧରି ଯୌନ ନିର୍ଯାତନା ଦେଉଥିଲେ। ଲୋକ ଲଜ୍ଜା ଭୟରେ ପରିବାର ଲୋକେ ମୁହଁ ଖୋଲୁ ନଥିଲେ। ଶେଷରେ ମାଉସୀଙ୍କ ସହାୟତାରେ ଯୁବତୀ ଜଣଙ୍କ ସାମ୍ନାକୁ ଆସିଥିଲେ। ଯୁବତୀ ଜଣଙ୍କ ଏନେଇ ମହିଳା ଥାନାରେ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତି କରି ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। 

ଅଭିଯୋଗ ଅନୁଯାୟୀ, ଯୁବତୀଙ୍କ ଘର ପୁରୀ ଜିଲ୍ଲାରେ। ତାଙ୍କ ଦାଦା ଭୁବନେଶ୍ୱରରେ ଜଣେ ବ୍ୟବସାୟୀ ହୋଇଥିଲା ବେଳେ ଖୁଡି ଜଣେ ସରକାରୀ ଚାକିରିଆ। ସେମାନଙ୍କର କୌଣସି ପିଲା ନଥିବାରୁ ଦୁହେଁ ସମ୍ପୃକ୍ତ ଯୁବତୀଙ୍କୁ ପାଠ ପଢାଇବାକୁ ଭୁବନେଶ୍ୱରକୁ ନେଇ ଆସିଥିଲେ। ଖୁଡି ନଥିଲା ବେଳେ ଦାଦା ତାଙ୍କୁ ବାରମ୍ବାର ଯୌନ ଶୋଷଣ କରୁଥିଲେ। ଏନେଇ ଯୁବତୀ ଜଣଙ୍କ ପରିବାର ଲୋକଙ୍କୁ ଜଣାଇଲେ ବି ପରିବାର ଲୋକ ଦାଦାଙ୍କୁ କିଛି କହିଲେ ନାହିଁ। ଓଲଟା ଲୋକଲଜ୍ୟାର ଭୟରେ ରହିଲେ। ଶେଷରେ ଯୁବତୀ ଜଣଙ୍କ ତାଙ୍କ ମାମୁଁ ଘରକୁ ଚାଲିଗଲେ। ମାଉସୀଙ୍କ ସାହସରେ ମହିଳା ଥାନାରେ ଏତଲା ଦେଇଛନ୍ତି।