ସମ୍ବଲପୁର: ସମ୍ବଲପୁର ଜିଲ୍ଲା ଗିରିପାଲି ଖଡ଼ିଆପଡ଼ାରେ ଡବଲ୍ ମର୍ଡର୍ । ଘର ଅଗଣାରେ ଶୋଇଥିବା ବେଳେ ମା-ଝିଅଙ୍କୁ ଧାରୁଆ ଅସ୍ତ୍ରରେ ହାଣି ନିର୍ମମ ଭାବେ ହତ୍ୟା କଲେ ପଡୋଶୀ । ମୃତକ ହେଲେ ୬୦ ବର୍ଷୀୟା ଉର୍ମିଳା ପାତ୍ର ଏବଂ ୩୫ ବର୍ଷୀୟା ଲିଲିମା କୁଦେଇ । ପୂର୍ବ ଶତ୍ରୁତା କିମ୍ବା ଗୁଣି ଗାରେଡି ସନ୍ଦେହରେ ଉଭୟଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଖବର ପାଇ ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ସହ ଶାସନ ପୋଲିସ ପହଞ୍ଚି ହତ୍ୟାକାଣ୍ଡର ପ୍ରକୃତ କାରଣ ଜାଣିବା ପାଇଁ ତଦନ୍ତ ଜାରି ରଖିଛି ।