କଳାହାଣ୍ଡି: ପ୍ରେମରୁ ଧୋକା, ଧୋକା ପରେ ଆତ୍ମହତ୍ୟା । ଏଭଳି ଏକ ଦୁଃଖଦ ଖବର ଆସିଛି କଳାହାଣ୍ଡିରୁ । ପ୍ରେମରେ ଧୋକା ପାଇବା ପରେ ହ୍ବାଟ୍ସଆପରେ ଦୁଃଖଭରା ଇମୋଜିର ଷ୍ଟାଟସ୍ ଦେଇ ଆତ୍ମହତ୍ୟା କରିଛନ୍ତି କଳାହାଣ୍ଡି ଜିଲ୍ଲା କୋକସରା ଭାଲୁଚୁଆଁ ଗାଁର ହିମାଂଶୁ ଭଇଁସାଲ । ବେକରେ ରଶି ଲଗାଇ ଗଛରେ ଝୁଲି ପଡ଼ିଛନ୍ତି ହିମାଂଶୁ । ମୃତ୍ୟୁ ପୂର୍ବରୁ ହ୍ବାଟ୍ସଆପରେ ଦୁଃଖ ଇମୋଜି ଦେଇ ଗୋଟେ ଝିଅ ପାଇଁ ତାଙ୍କ ଜୀବନ ବରବାଦ ହୋଇଯାଇଛି ବୋଲି ଲେଖିଥିଲେ ।
ସୂଚନା ଅନୂସାରେ, ହିମାଂଶୁ ଜେସିବି ଚଲାଉଥିଲେ । ଏହା ଏକ ପ୍ରେମଜନିତ ଆତ୍ମହତ୍ୟା ବୋଲି ପୋଲିସ ସନ୍ଦେହ କରୁଛି । ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ପୋଲିସ ।