ପାରାଦୀପ: ରାସ୍ତା ଡିଭାଇଡରରେ ପିଟି ହୋଇ ଓଲଟିଲା ଗ୍ୟାସ ଟ୍ୟାଙ୍କର। ପାରାଦୀପ ଆଇଓସିଏଲରୁ ଗ୍ୟାସ ନେଇ ଚଣ୍ଡିଖୋଲ ରାସ୍ତାରେ ଯିବା ବେଳେ ହାତୀଟାଙ୍କି ନିକଟରେ ଘଟିଛି ଏଭଳି ଘଟଣା। ଖବର ପାଇ ଘଟଣାସ୍ଥଳରେ କୁଜଙ୍ଗ ଅଗ୍ନିଶମ ବିଭାଗର ଦୁଇଟି ଗାଡି ଓ ପୁଲିସ ପହଞ୍ଚିଛି। ଉଭୟପଟ ରାସ୍ତାକୁ ସିଲ କରିଛି ପୁଲିସ। ଲୋକଙ୍କୁ ଟ୍ୟାଙ୍କର ନିକଟରୁ ୫୦୦ ମିଟର ଦୂରରେ ରହିବା ପାଇଁ ପରାମର୍ଶ ଦିଆଯାଇଛି। ୫୦୦ ମିଟର ଭିତରେ ମୋବାଇଲ ଫୋନ ବ୍ୟବହାରରେ ମଧ୍ୟ ରୋକ୍ ଲଗାଯାଇଛି। ଘରେ ଚୁଲି ନ ଜାଳିବା ପାଇଁ ମଧ୍ୟ ପରାମର୍ଶ ଦିଆଯାଇଛି। ଏ ନେଇ ମାଇକ ଯୋଗେ  ଆଇଓସିଏଲର ଟେକ୍ନିକାଲ ଟିମ ଓ କୁଜଙ୍ଗ ଅଗ୍ନିଶମ ବିଭାଗ ସଚେତନ କରିଛି।