ଭୁବନେଶ୍ବର: ଆପାର୍ଟମେଣ୍ଟ ଲୁଟେରାକୁ ଏନକାଉଣ୍ଟର। ପ୍ରଥମ ଥର ପାଇଁ ରାଜ୍ଯ ବାହାର ଲୁଟେରାକୁ ଏନକାଉଣ୍ଟର କରିଛି କମିଶନରେଟ ପୁଲିସ। ଏନକାଉଣ୍ଟରରେ ଜଣେ ଗୁରୁତର ହୋଇଥିବାବେଳେ ଏହି ଗ୍ୟାଙ୍ଗର ଅନ୍ୟ ୪ ସଦସ୍ୟ ଖସି ଯାଇଥିବା ଜଣା ପଡ଼ିଛି। ଏନକାଉଣ୍ଟରରେ ଗୁରୁତର ହୋଇଛନ୍ତି ଲୁଟେରା ଅର୍ଜୁନ ଅନାରେ। ଅର୍ଜୁନର ବାମ ପଟ ଆଣ୍ଠୁରେ ଗୁଳି ବାଜିଛି। ଏହି ଗ୍ୟାଙ୍ଗ ମଧ୍ୟପ୍ରଦେଶରୁ ଆସି ରାଜଧାନୀରେ ଲୁଟପାଟ କରୁଥିବା ନେଇ ପୁଲିସ ସୂଚନା ଦେଇଛି। ପାହାଳ ଥାନା ଅଞ୍ଚଳରେ ଏକ ଆପାର୍ଟମେଣ୍ଟ ନିକଟରେ ଏହି ଏନକାଉଣ୍ଟ ଘଟିଛି।

ଖବର ଅନୁଯାୟୀ, ବାଲିଅନ୍ତା ଥାନା ପୁଲିସ ପାଟ୍ରୋଲିଂ କରୁଥିବା ବେଳେ ହଠାତ୍ ଅର୍ଜୁନ ଆନାରେ ତାର ଗ୍ରୁପ ଆପାର୍ଟମେଣ୍ଟ ଲୁଟ କରିବା ପାଇଁ ଯୋଜନା କରୁଥିବଲା। ଏହାକୁ ପୁଲିସ ଦେଖି ଦେଇଥିଲା। ପୁଲିସକୁ ଦେଖି ଅର୍ଜୁନ ସହ ତାଙ୍କ ଗ୍ରୁପ ଫେରାର୍ ହେବ ପାଇଁ ବସିଥିବାବେଳେ ପୁଲିସ ତାଙ୍କୁ ଗୋଡ଼ାଇଥିଲେ। ସେହି ସମୟରେ ବାଲିଅନ୍ତା କେନାଲ ବନ୍ଧ ଉପରେ ଅର୍ଜୁନ ପୁଲିସ ଉପରକୁ ଗୁଳିଚାଳନା କରିଥିଲା। ପୁଲିସ ଜାବାବ ଦେବା ସହ ପାଲଟା ଗୁଳି ଚଳାଇବାବେଳେ ଅର୍ଜୁନର ଗୋଡ଼ରେ ବାଜିଥିଲା। ଫଳରେ ଘଟଣାସ୍ଥଳରେ ଅର୍ଜୁନ ଆହତ ହୋଇ ପଡିଯାଇଥିବାବେଳେ ଅନ୍ୟ ୪ ଜଣ ଲୁଟେରା ଫେରାର ହୋଇଯାଇଥିଲେ। ଗୁରୁତର ଅବସ୍ଥାରେ ଅର୍ଜୁନକୁ ପୁଲିସ କାବୁ କରିବା ସହ କ୍ୟାପିଟାଲ ହସ୍ପିଟାଲ ନେଇଥିଲା ପରେ AIIMS ରେ ଭର୍ତ୍ତି କରାଯାଇଛି।