ପାରାଦୀପ: ୨୨୦କୋଟି ଟଙ୍କାର କୋକେନ୍‌‌ ଜବତ ଘଟଣାରେ ପାରାଦୀପ ବନ୍ଦରରେ ଅଟକ ଥିବା ଜାହାଜ ଏମ୍‌‌ଭି ଦେବୀ ଓ ସେଥିରେ ଥିବା ୨୧ଜଣ କ୍ରିଉ-ମେମ୍ୱର ସ୍ୱଦେଶକୁ ଫେରିଯିବା ନେଇ କୋର୍ଟଙ୍କ ଆଦେଶ ମିଳିଛି। ସେମାନଙ୍କ ମଧ୍ୟରୁ ୧୦ ଜଣଙ୍କର ଭିସା ଅବଧି ସରିଯାଇଛି। ସେମାନଙ୍କ ପାଇଁ ନୂତନ ଭିସା ପ୍ରସ୍ତୁତି କାର୍ଯ୍ୟ ଚାଲିଥିବା ବେଳେ ବାକି ୧୧ଜଣ ଆଜି ଫେରିଯିବା ପାଇଁ ପ୍ରକ୍ରିୟା ଆରମ୍ଭ ହୋଇଛି। ତେବେ ଉପକୂଳ ଅଞ୍ଚଳରେ ଲଘୁଚାପଜନିତ ବର୍ଷା ଲାଗି ରହିଥିବାରୁ ସେମାନଙ୍କୁ ବନ୍ଦର କର୍ତ୍ତୃପକ୍ଷ ଆଜି ଯିବାକୁ ଅନୁମତି ଦେଇନାହାନ୍ତି। ସୂଚନା‌ଯୋଗ୍ୟ, ୨୦୨୩ ନଭେମ୍ୱର ୨୯ତାରିଖରେ ସୀମାଶୁଳ୍କ ବିଭାଗ ଏହି ଏମଭି ଦେବୀ ଜାହାଜରୁ ୨୨୦ କୋଟି ଟଙ୍କାର କୋକେନ୍‌‌ ଜବତ କରିଥିଲା।