ତୁରେକେଲା: ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ରେଞ୍ଜ ମହୁଲବାହାଲି ଗାଁରେ ଭାଲୁ ଆକ୍ରମଣରେ ଜଣେ ବ୍ଯକ୍ତି ଗୁରୁତର ଆହତ ହୋଇଛନ୍ତି। ଉକ୍ତ ବ୍ଯକ୍ତିଙ୍କ ନାଁ ରାମସେ ମାଝି ବୋଲି ଜଣାପଡ଼ିଛି।
ସୂଚନାଯୋଗ୍ଯ ଯେ, ଆଜି ସକାଳ ସମୟରେ ରାମସେ ତାଙ୍କ ବିଲକୁ ଯାଇଥିଲେ। ସେ ବିଲରେ ପହଞ୍ଚିବା ପରେ ତାଙ୍କୁ ୩ଟି ଭାଲୁ ଆକ୍ରମଣ କରିଥିଲେ। ଭାଲୁ ଆକ୍ରମଣରେ ରାମସେ ଗୁରୁତର ହୋଇଛନ୍ତି। ରକ୍ତ ଯୁଡୁବୁଡୁ ଅବସ୍ଥାରେ ରାମସେକୁ ଗାଁ ଲୋକେ ଉଦ୍ଧାର କରି ଚିକିତ୍ସି ପାଇଁ ଆମ୍ବୁଲାନ୍ସ ଯୋଗେ କଣ୍ଟାବାଞ୍ଜି ଡାକ୍ତରଖାନାରେ ଭର୍ତ୍ତି କରିଛନ୍ତି। ବର୍ତ୍ତମାନ ମଧ୍ଯ ସେହି ଅଞ୍ଚଳରରେ ଭାଲୁ ମାନେ ବୁଲୁଥିବାର ଦେଖିବାକୁ ମିଳିଛି। ଯାହାଫଳରେ ସ୍ଥାନୀୟଲୋକେ ଭୟଭୀତ ଥିବା ଜଣାପଡ଼ଛି।