ମନୋରଞ୍ଜନ
ଘରୋଇ କଳିକୁ କେନ୍ଦ୍ରକରି ଶିଳପୁଆରେ ଛେଚି ବାପାକୁ ହତ୍ୟା କଲା ନୃସଂଶ ପୁଅ
ଆଠଗଡ଼: ନୃଶଂସ ପାଲଟିଲା ଜନ୍ମ କଲା ପୁଅ । ଘରୋଇ କଳିକୁ ନେଇ ଶିଳପୁଆରେ ଛେଚି ବାପାକୁ ହତ୍ୟା କଲା ଜନ୍ମ କଲା ପୁଅ । ଆଠଗଡ଼ ଥାନା ଅନ୍ତର୍ଗତ ଜାଗିଆପଡା ହରିଜନ ସାହିରେ ଘଟିଛି ଏପରି ଅଭାବନୀୟ ଘଟଣା । ଘଟଣା ସ୍ଥଳରେ ଆଠଗଡ଼ ପୋଲିସ ପହଞ୍ଚି ପିତୃହନ୍ତା ପୁଅକୁ କାବୁ କରିବା ସହ ଘଟଣାର ଅଧିକ ତଦନ୍ତ କରୁଛି ।
ସୂଚନା ଅନୁସାରେ, ବଡଭୂଇଁ ପଞ୍ଚାୟତ ଜାଗିଆପଡା ରଘୁନାଥପୁର ଗ୍ରାମର ଭୂତି ନାଏକ ନିଶାସକ୍ତ ଅବସ୍ଥାରେ ଘରକୁ ଆସିଥିଲେ। କୌଣସି କାରଣକୁ ନେଇ ବାପା ବିକଳ ନାଏକଙ୍କ ସହ ତାଙ୍କର ପାଟିତୁଣ୍ଡ ହୋଇଥିଲା। ଫଳରେ ଉତ୍ତ୍ୟକ୍ତ ହୋଇ ଭୂତି ନାଏକ ମଦ ନିଶାରେ ବିକଳଙ୍କୁ ଏକ ଶିଳପୁଆରେ ଛେଚି ହତ୍ୟା କରିଥିଲା। ଗ୍ରାମବାସୀ ଅଭିଯୁକ୍ତ ପୁଅକୁ କାବୁ କରି ବିଦ୍ୟୁତ୍ ଖୁଣ୍ଟରେ ବାନ୍ଧି ପୁଲିସକୁ ଖବର ଦେଇଥିଲେ। ଆଠଗଡ଼ ପୁଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ପୁଅକୁ ଗିରଫ କରି ତଦନ୍ତ କରୁଛି।
About The Author
