ଅନୁଗୁଳ: ଅନୁଗୁଳ ବନ ଖଣ୍ଡ କୃଷ୍ଣଚକ୍ରଗଡ଼ ଗାଁରେ କଲରାପତରିଆ ବାଘ ଆକ୍ରମଣରେ ଦୁଇ ଗୁରୁତର। ଦୁଇ ଗୁରୁତର ହେଲେ ଜନକ ବେହେରା ଓ ନେଙ୍କୁରି ବେହେରା। ସେମାନେ ଅପରାହ୍ନରେ ଛେଳି ଚରାଉ ଥିବା ବେଳେ ହଠାତ ବାଘ ଆକ୍ରମଣ କରିଥିଲା। ସେମାନେ ଚିତ୍କାର କରିବାରୁ ଗାଁର ଅନ୍ୟ ଲୋକମାନେ ଦୌଡ଼ି ଆସି ଯାଇଥିଲେ। ଫଳରେ ବାଘଟି ସେଠାରୁ ଦୌଡି ପଳାଇଥିଲା। ଆହତ ଅବସ୍ଥାରେ ସେମାନଙ୍କୁ ଗାଁ ଲୋକେ ସେଠାରୁ ଡାକ୍ତରଖାନା ଆଣୁଥିବା ବେଳେ ଖବର ପାଇ ବନ ବିଭାଗ କର୍ମଚାରୀ ମାନେ ପହଞ୍ଚି ସେମାନଙ୍କୁ ଅନୁଗୁଳ ଡାକ୍ତରଖାନାକୁ ଆଣିଥିଲେ। ତେବେ କୃଷ୍ଣଚକ୍ରଗଡ଼ ଗାଁଟି ଘଞ୍ଚ ଓ ଦୁର୍ଗମ ଜଙ୍ଗଲ ଘେରା ମଧ୍ୟରେ ରହିଛି। ଲୋକଙ୍କର ମୁଖ୍ୟ ଜୀବିକା ଜଙ୍ଗଲଜାତ ଦ୍ରବ୍ୟ ସଂଗ୍ରହ ଏବଂ ଛେଳି ପାଳନ ହୋଇଥିବାରୁ ଏବେ ଜଙ୍ଗଲକୁ ଯିବାକୁ ଭୟ କରୁଛନ୍ତି।