କଳାହାଣ୍ଡି: ହଠାତ ଭୁଶୁଡ଼ି ପଡିଲା ପୋଲ, ପୋଲ ତଳକୁ ଖସି ପଡିଲା ଦୁଇଟି କାର । ଅଳ୍ପକେ ବର୍ତ୍ତିଲେ ଯାତ୍ରୀ । ଏଭଳି ଅଘଟଣ ଘଟିଛି କଳାହାଣ୍ଡି ଜିଲ୍ଲା ଭବାନୀପାଟଣା ରାଜ୍ୟ ରାଜପଥ ୪୪ର ଭାଗିରଥି ପାର୍କ ନିକଟରେ ଥିବା ପୋଲରେ । ଏହି ପୋଲଟି ଭବାନୀପାଟଣାରୁ ଥୁଆମୂଳ ରାମପୁରକୁ ସଂଯୋଗ କରେ । ପୋଲଟି ଅଚାନକ ଭାଙ୍ଗି ଯିବାରୁ ପୋଲ ଉପରେ ଯାଉଥିବା ଦୁଇଟି କାର ତଳକୁ ଖସିପଡ଼ି ଦୁର୍ଘଟଣାଗ୍ରସ୍ତ ହୋଇଛି । ତେବେ ଅଘଟଣରୁ ଅଳ୍ପକେ କାର୍‌ ଚାଳକ ଓ ଯାତ୍ରୀ ବର୍ତ୍ତି ଯାଇଛନ୍ତି । ପୋଲ ଭାଙ୍ଗିପଡ଼ିଥିବାରୁ ଭବାନୀପାଟଣାରୁ ଥୁଆମୂଳ ରାମପୁର ମୁଖ୍ୟ ରାସ୍ତାରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଛି ।