ଭୁବନେଶ୍ୱର: ଭୁବନେଶ୍ୱର ଉତ୍ତରା ଛକ ନିକଟରେ ଭୟଙ୍କର ସଡ଼କ ଦୁର୍ଘଟଣା । କାର୍ ଧକ୍କାରେ ଚାଲିଗଲା ୩ ଜଣଙ୍କ ଜୀବନ । ମୃତକଙ୍କ ମଧ୍ୟରେ ଜଣେ ପୁରୁଷ ଏବଂ ଦୁଇ ମହିଳା ଥିବା ଜଣାପଡିଛି । ମର୍ଣ୍ଣିଂ ୱାକ୍ ଯାଇଥିବା ବେଳେ ୨ ମହିଳାଙ୍କ ଉପରେ ଚଢିଗଲା ଦ୍ରୁତଗାମୀ କାର୍। ୨ ମହିଳାଙ୍କ ସହ କାର ଭିତରୁ ଜଣେ ଛିଟିକି ପଡି ପ୍ରାଣ ହରାଇଥିଲେ । ଭୁବନେଶ୍ୱର-ପୁରୀ ୩୧୬ ନମ୍ବର ଜାତୀୟ ରାଜପଥର KEC କଲେଜ ନିକଟରେ ଘଟିଛି ଏହି ମର୍ମନ୍ତୁଦ ସଡକ ଦୁର୍ଘଟଣା । ଘଟଣାସ୍ଥଳରେ ପିପିଲି ଓ କୌଶଲ୍ୟାଗଙ୍ଗ ପୋଲିସ ତଦନ୍ତ କରୁଛି । 

ସୂଚନା ଅନୁସାରେ, ଉତ୍ତରା ଛକରେ ଦୁଇ ଜଣ ମହିଳା ପ୍ରାତଃ ଭ୍ରମଣରେ ଯାଉଥିଲେ । ଏହି ସମୟରେ ଭୁବନେଶ୍ଵରରୁ ପୁରୀ ଆଡ଼କୁ ଯାଉଥିବା ଏକ ଦ୍ରୁତଗାମୀ କାର୍ ମର୍ଣ୍ଣିଂ ୱାକ୍ କରୁଥିବା ୨ ମହିଳାଙ୍କୁ ଜୋରଦାର ଧକ୍କା ଦେଇଥିଲା । କାରର ସ୍ପିଡ୍ ଅଧିକ ଥିବା ଯୋଗୁଁ କାର୍ ଭିତରୁ ଜଣେ ଛିଟିକି ପଡ଼ି ପ୍ରାଣ ହରାଇଛନ୍ତି। ୩ ମୃତକଙ୍କ ଶବ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲକୁ ପଠାଯାଇଛି।