ବାଲେଶ୍ବର: ନିଶାସକ୍ତ ପୁଅର ଆକ୍ରମଣରେ ଚାଲିଗଲା ମା’ର ଜୀବନ। ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ଖଇରା ଥାନା ଅଧିନସ୍ଥ ମିରିପୁର ଖଇରା ଗ୍ରାମରେ। ନିଶାସକ୍ତ ଅବସ୍ଥାରେ ନିଜର ହିତାହିତ ଜ୍ଞାନ ଭୁଲି ନିଜ ମାକୁ କଟୁରିରେ ହାଣି ମାରିଦେଲା ପୁଅ।
ସୂଚନାନୁସାରେ, ଗ୍ରାମର ରଘୁନାଥ ଶିଅଳଙ୍କ ସାନପୁଅ ଜଗବନ୍ଧୁ ବୁଧବାର ରାତିରେ ନିଶାସକ୍ତ ଅବସ୍ଥାରେ ଘରକୁ ଫେରି ମାଆଙ୍କ ସହ ଯୁକ୍ତିତର୍କ କରିଥିଲା। ଏହାକୁ ବିରୋଧ କରିବାରୁ ଜଗବନ୍ଧୁ ବାପା ଓ ଭଉଣୀଙ୍କୁ ମାରିବା ପାଇଁ ଗୋଡ଼ାଇଥଲେ। ଭଉଣୀ ଓ ତାଙ୍କ ବାପା ଭୟଭୀତ ହୋଇ ଘରୁ ବାହାରକୁ ପଳାଇଥିଲେ।
ପରେ ଜଗବନ୍ଧୁ ଠେଙ୍ଗା ଓ କଟୁରୀରେ ନିଜ ମାଙ୍କୁ ଆକ୍ରମଣ କରିଥିଲେ । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ଏନେଇ ଥାନାରେ ମଧ୍ୟ ଏକ ଏତଲା ଦାୟର କରାଯାଇଛି। ସୂଚନା ପାଇ ଘଟଣାସ୍ଥଳରେ ଖଇରା ପୁଲିସ ପହଞ୍ଚି ଅଭିଯୁକ୍ତ ଜଗବନ୍ଧୁଙ୍କୁ ଗିରଫ କରିଛି।