ସାଧାରଣତଃ ସକାଳେ ଲୋକେ ଭୋଜନ ନ କରି ଠାକୁର ପୂଜା କରନ୍ତି। ଧାର୍ମିକ ମାନ୍ୟତାନୁସାରେ, ଠାକୁରଙ୍କୁ ଭୋଗ ଲଗାଇବା ପରେ ହିଁ ଭୋଜନ କରିବା ଉଚିତ। ଏହାକୁ ଅମାନ୍ୟ କଲେ ଶୁଭଫଳ ମିଳେ ନାହିଁ ବୋଲି ବିଶ୍ବାସ ରହିଛି।
- ଭୋଜନ ପରେ ପୂଜା କରିବା ଦ୍ବାରା ପୂଜା ଫଳ ପ୍ରାପ୍ତି ହୁଏ ନାହିଁ। ଜୀବନରେ ଅନେକ ବାଧାବିଘ୍ନର ସମ୍ମୁଖୀନ ହେବାକୁ ପଡ଼ିଥାଏ।
- ଖାଇବା ପରେ ପୂଜା କଲେ ଭଗବାନଙ୍କ କୃପା ମିଳେ ନାହିଁ।
- ତେବେ ସ୍ବାସ୍ଥ୍ୟ ସମସ୍ୟା ଥିଲେ ପୂଜା ପୂର୍ବରୁ କ୍ଷୀର ଓ ଫଳ ଖାଇପାରିବେ।
- ପୂଜା ପୂର୍ବରୁ ଅନ୍ନ କିମ୍ବା ତାମସିକ ଭୋଜନ ଗ୍ରହଣ ସର୍ବାଦୌ ବର୍ଜିତ।
- ପୂଜା ପୂର୍ବରୁ ଭୋଜନ କରିଥିଲେ, ଠାକୁରଙ୍କ ପାଖରେ କ୍ଷମା ପ୍ରାର୍ଥନା କରି ପୂଜା କଲେ ଦୋଷ ଖଣ୍ଡନ ହୁଏ।