ପାଟନା : ବିହାରର ଜଣେ ବ୍ୟକ୍ତି ଟ୍ରେନ୍‌ ଇଞ୍ଜିନ ତଳେ ବସି ୧୯୦ କିମି ଯାତ୍ରା କରିଛନ୍ତି। ସେ ରାଜଗୀରରୁ ଗୟା ପର୍ଯ୍ୟନ୍ତ ଯାଇଛନ୍ତି। ଗୟା ରେଳ ଷ୍ଟେସନରେ ଟ୍ରେନ୍‌ ଅଟକିବାରୁ ଡ୍ରାଇଭର ଓହ୍ଲାଇ ଥିଲେ। ଏହି ସମୟରେ ଇଞ୍ଜିନ ତଳୁ କେହି ପାଣି ମାଗୁଥିବା ସେ ଶୁଣିବାକୁ ପାଇଥିଲେ। ଡ୍ରାଇଭର ଏହାର ସୂଚନା ରେଳ ଅଧିକାରୀଙ୍କୁ ଦେଇଥିଲେ। ଆରପିଏଫ ଏବଂ ଅନ୍ୟ ଲୋକମାନେ ସେଠାରୁ ବ୍ୟକ୍ତିଙ୍କୁ ଭିଡି ବାହାର କରିଥିଲେ। ବାହାରକୁ ବାହାରିବା ପରେ ବ୍ୟକ୍ତି ସେଠାରୁ ଫେରାର ହୋଇଯାଇଥିଲେ। ସେ ଟ୍ରେନ ଇଞ୍ଜିନ ତଳେ ଥିବା ସେଣ୍ଟ୍ରାଲ ମୋଟର (ଟ୍ରେକ୍ସନ ମୋଟର) ନିକଟରେ ବସିଥିଲେ।