କାନପୁର: ପ୍ରେମ ଅନ୍ଧ ବୋଲି ସମସ୍ତେ କୁହନ୍ତି, କିନ୍ତୁ ଏହା ଯେ କୌଣସି ସୀମା ବା ସମ୍ପର୍କକୁ ମାନେ ନାହିଁ, ତାହା ପୁଣିଥରେ ପ୍ରମାଣିତ ହୋଇଛି। ଉତ୍ତରପ୍ରଦେଶର କାନପୁର ଦେହାତ ଅଞ୍ଚଳରେ ଏକ ଅଜବ ତଥା ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତି ନିଜର ସମ୍ପର୍କୀୟ ଶାଶୁଙ୍କ ସହ ପ୍ରେମରେ ପଡ଼ିବା ପରେ ତାଙ୍କୁ ବିବାହ କରିଛନ୍ତି।
ସୂଚନା ଅନୁଯାୟୀ, ଏହି ଘଟଣାଟି ଆକବରପୁର ଅଞ୍ଚଳର। ବିବାହ ପରେ ଜ୍ୱାଇଁ ନିଜ ଶାଶୁ ଘରକୁ ଯିବାଆସିବା କରୁଥିଲେ। ଏହି ସମୟରେ ସେ ନିଜ ଶାଶୁଙ୍କ ପ୍ରତି ଆକର୍ଷିତ ହୋଇଥିଲେ ଏବଂ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ି ଉଠିଥିଲା। ସେମାନଙ୍କ ମଧ୍ୟରେ ବୟସର ବ୍ୟବଧାନ ଥିଲେ ମଧ୍ୟ, ସେମାନେ ସମାଜର ନିନ୍ଦା ଅପବାଦକୁ ଖାତିର କରିନଥିଲେ। ସମ୍ପର୍କ ଏତେ ନିବିଡ଼ ହୋଇଗଲା ଯେ ସେମାନଙ୍କର ଏକ ସନ୍ତାନ ମଧ୍ୟ ଥିବା ଜଣାପଡିଛି।
ଶେଷରେ ଉଭୟେ ଘରୁ ଫେରାର ହୋଇଯାଇଥିଲେ ଏବଂ ଏକ କୋର୍ଟରେ ବିବାହ କରିଥିଲେ। ବିବାହ ପରେ ସେମାନେ ସୋସିଆଲ ମିଡିଆରେ ଏକ ଭିଡିଓ ଜାରି କରିଛନ୍ତି। ଏହି ଭିଡିଓରେ ସେମାନେ ନିଜର ବିବାହ ପ୍ରମାଣପତ୍ର (କୋର୍ଟ ସାର୍ଟିଫିକେଟ୍) ଦେଖାଇବା ସହ ସ୍ୱେଚ୍ଛାକୃତ ଭାବେ ବିବାହ କରିଥିବା ଦର୍ଶାଇଛନ୍ତି। ବର୍ତ୍ତମାନ ଏହି ଭିଡିଓଟି ଭାଇରାଲ୍ ହେବାରେ ଲାଗିଛି। ସମାଜ ସେମାନଙ୍କର ଏହି ସମ୍ପର୍କକୁ ଗ୍ରହଣ କରିବା ସହ ଆଶୀର୍ବାଦ କରିବ ବୋଲି ନବଦମ୍ପତି ଆଶାବ୍ୟକ୍ତ କରିଛନ୍ତି।