ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜାପାନରେ ଅନୁଷ୍ଠିତ ଜି-୭ ଶିଖର ସମ୍ମିଳନୀରେ ଯୋଗଦେବା ପରେ ପାପୁଆ ନ୍ୟୁ ଗିନିରେ ପହଞ୍ଚିଥିଲେ। ଏଠାରେ ତାଙ୍କୁ ଭବ୍ୟ ସ୍ବାଗତ କରାଯାଇଥିଲା। ପ୍ରଧାନମନ୍ତ୍ରୀ ଜେମସ୍ ମାରାପେ, ନରେନ୍ଦ୍ର ମୋଦିଙ୍କୁ ପାଦ ଛୁଇଁ ସ୍ବାଗତ କରିଛନ୍ତି। ତାଙ୍କ ସହିତ ପାପୁଆ ନ୍ୟୁ ଗିନିର ଅନ୍ୟାନ୍ୟ ପ୍ରତିନିଧି ମଣ୍ଡଳୀ ମଧ୍ୟ ମୋଦିଙ୍କୁ ଭବ୍ୟ ସ୍ବାଗତ କରିଛନ୍ତି।
ଏଫଆଇପିଆଇସି ଶିଖର ସମ୍ମିଳନୀରେ ଭାଗ ନେବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପାପୁଆ ନ୍ୟୁ ଗିନିରେ ପହଞ୍ଚିଛନ୍ତି। ଭାରତ-ପ୍ରଶାନ୍ତ ମହାସାଗରୀୟ ସମ୍ମିଳନୀରେ ଫୋରମରେ ଭାଗ ନେବାକୁ ମୋଦି ଏଠାକୁ ଯାଇଛନ୍ତି। ଏହି ସମ୍ମିଳନୀରେ ଭାରତ ସମେତ ୧୪ ଟି ଦେଶ ଅଂଶଗ୍ରହଣ କରିବେ। ଏଠାରେ ପରେ ମୋଦି ସିଧାସଳଖ ଅଷ୍ଟ୍ରେଲିଆ ଯିବେ ଏବଂ ଅନେକ କାର୍ଯ୍ୟକ୍ରମରେ ଯୋଗ ଦେବେ।