ଗୁଜରାଟ: ଗୁଜରାଟର ଆନନ୍ଦ ଜିଲ୍ଲାର ଇନ୍ଦ୍ରନାଜ ଗ୍ରାମ ନିକଟରେ ବୁଧବାର ସକାଳେ ଏକ କାରର ବିପରୀତ ଦିଗରୁ ଆସୁଥିବା ଏକ ଟ୍ରକ ସହିତ ମୁହାଁମୁହିଁ ଧକ୍କା ହେବା ଫଳରେ ୧୦ ଜଣଙ୍କର ମୃତ୍ୟୁ ଘଟିଛି। ତାରାପୁର ପୁଲିସ ଷ୍ଟେସନର ଜଣେ ଅଧିକାରୀ କହିଛନ୍ତି ଯେ, ଆନନ୍ଦ ଜିଲ୍ଲାର ତାରାପୁରକୁ ସଂଯୋଗ କରୁଥିବା ରାଜପଥରେ ଏହି ଦୁର୍ଘଟଣା ଘଟିଛି।
ସୂଚନାଅନୁଯାୟୀ, କାରରେ ଥିବା ଏକ ଛୋଟପିଲା ସମେତ ୧୦ ଜଣ ଲୋକ ଥିଲେ, ଯାହା ଦ୍ରୁତ ଗତିରେ ଆସୁଥିବା ଟ୍ରକକୁ ଧକ୍କା ଦେଇଥିଲା। କାରରେ ଥିବା ସମସ୍ତ ୧୦ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ମୃତଦେହକୁ କାରରୁ ଉଦ୍ଧାର କରାଯାଇ ଚିହ୍ନଟ କରିବାକୁ ଉଦ୍ୟମ ଜାରି ରହିଛି ବୋଲି ଅଧିକାରୀ କହିଛନ୍ତି।