ନୂଆଦିଲ୍ଲୀ: ଦିଲ୍ଲୀ ଗ୍ରେଟର କୈଳାସ ବୃଦ୍ଧାଶ୍ରମରେ ଭୟାବହ ଅଗ୍ନିକାଣ୍ଡ ଘଟିଛି। ଏହି ଅଗ୍ନିକାଣ୍ଡରେ ଦୁଇ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଅନ୍ତରା କେୟାର ଫର ସିନିୟର୍ସ ନାମକ ବୃଦ୍ଧାଶ୍ରମରେ ନିଆଁ ଲାଗିଯିବା ଯୋଗୁଁ ଦୁଇ ଜଣଙ୍କର ମୃତ୍ୟୁ ହୋଇଛି। ଘଟଣା ସ୍ଥଳରେ ପୁଲିସ ଏବଂ ଅଗ୍ନିଶମ ବାହିନୀର ୪ଟି ଗାଡି ପହଞ୍ଚି ନିଆଁକୁ ଆୟତ୍ତ କରିଥିଲେ । ଏହି ଅଗ୍ନିକାଣ୍ଡ ଭୋର ସମୟ ୪ଟାରେ ଘଟିଥିବା ସୂଚନା ମିଳିଛି।
୮୨ ବର୍ଷ ଓ ୯୨ ବର୍ଷ ବୟସ୍କ ଦୁଇ ବରିଷ୍ଠ ନାଗରିକଙ୍କର ମୃତ୍ୟୁ ଘଟିଛି। ୧୩ ଜଣଙ୍କୁ ଉଦ୍ଧାର କରି ମାକ୍ସ ହସ୍ପିଟାଲରେ ଭର୍ତ୍ତି କରାଯାଇଛି। ଏନେଇ ଦକ୍ଷିଣୀ ଜିଲ୍ଲା ପୁଲିସ ତଦନ୍ତ ଆରମ୍ଭ କରିଛି।