ଭୁବନେଶ୍ୱର: ରାଜଧାନୀ ଭୁବନେଶ୍ୱରର ମହାବୀର ବସ୍ତି ନିକଟରେ ଥିବା ଏକ ବନ୍ଦ ଘରୁ ଯୁବତୀଙ୍କ ସନ୍ଦେହ ଜନକ ଅବସ୍ଥାରେ ମୃତଦେହ ଉଦ୍ଧାର କରାଯାଇଛି । ବରମୁଣ୍ଡା ରୁଚିକା ମାର୍କେଟ ମହାବୀର ବସ୍ତି ନିକଟରେ ଘଟିଛି ଘଟଣା । ବନ୍ଦ ଘରୁ ଦୁର୍ଗନ୍ଧ ହେଉଥିବାରୁ ସ୍ଥାନୀୟ ଲୋକେ ପୋଲିସକୁ ସୂଚନା ଦେଇଥିଲେ । ଘଟଣା ସ୍ଥଳରେ ଭରତପୁର ଥାନା ପୋଲିସ ପହଞ୍ଚି ଶବ ବ୍ୟବଚ୍ଛେଦ କରିବା ପାଇଁ ନେଇଛି । ଗତ ୧୦ -୧୨ ଦିନ ହେବ ମୃତ ମହିଳା ଓ ଜଣେ ପୁରୁଷ ଏହି ଘରେ ଭଡା ନେଇଥିଲେ । ପ୍ରାୟ ପାଞ୍ଚ ଦିନ ହେବ ଘର ତାଲା ପଡ଼ିଥିଲା । ସୂଚନା ପାଇବା ପରେ ଭରତପୁର ପୋଲିସ ଓ ସାଇଣ୍ଟିଫିକ୍ ଟିମ ପହଞ୍ଚି ଶବକୁ ଉଦ୍ଧାର କରିଛି । ମୃତ ମହିଳା ଜଣଙ୍କର ବୟସ ପ୍ରାୟ ୧୯ ବର୍ଷ ହେବ। ଘଟଣା ସ୍ଥଳରୁ ସ୍ୱାମୀ ଫେରାର ଥିବା ଜଣାପଡ଼ିଛି । ମହିଳାଜଣକ ଆତ୍ମହତ୍ୟା କରିଛନ୍ତି କି ତାଙ୍କୁ ହତ୍ୟା କରାଯାଇଛି ସେନେଇ ଅଧିକ ତଦନ୍ତ କରୁଛି ପୋଲିସ ।