ବାରିପଦା: ଗୃହ ଗଣନା କାର୍ଯ୍ୟରେ ନିୟୋଜିତ ଜଣେ ଶିକ୍ଷୟିତ୍ରୀ ନିଖୋଜ ହୋଇଯାଇଛନ୍ତି। ଗତ ୧୮ ତାରିଖ ଶନିବାର ଠାରୁ ଜନଗଣନା କରିବାକୁ ଯାଇ ନିଖୋଜ ଅଛନ୍ତି ଶିକ୍ଷୟିତ୍ରୀ ଜଣକ । ମୟୂରଭଞ୍ଜ ଜିଲ୍ଲା ବାରିପଦା ସଦର ଥାନା ଅନ୍ତର୍ଗତ ଚନ୍ଦନପୁର ପଞ୍ଚାୟତରେ ଏଭଳି ଏକ ଘଟଣା ଘଟିଛି। ନିଖୋଜ ଶିକ୍ଷୟିତ୍ରୀଜଣଙ୍କ ହେଲେ, ଜ୍ୟୋତ୍ସ୍ନାରାଣୀ ସାହୁ। ସେ ଢେଙ୍କିନେଞ୍ଜିଆ ୟୁପିଟିଓ ସ୍କୁଲରେ ସହକାରୀ ଶିକ୍ଷୟିତ୍ରୀ ଭାବେ କାର୍ଯ୍ୟରତ। ତାଙ୍କ ଘର ପୁରୀ ଜିଲ୍ଲାରେ। ଗୃହଗଣନା କାର୍ଯ୍ୟ କରିବାକୁ ଯାଇ ଘରକୁ ନ ଫେରିବାରୁ ଭଡ଼ା ଘର ମାଲିକ ସୁରେଶ ଚନ୍ଦ୍ର ସି ଏନେଇ ଥାନାରେ ଅଭିଯୋଗ କରିଛନ୍ତି।
ସୂଚନା ମୁତାବକ, ୬ମାସ ଧରି ସୁରେଶଙ୍କ ଘରେ ଜ୍ୟୋତ୍ସ୍ନା ଭଡ଼ାରେ ରହୁଥିଳେ। ୧୮ ତାରିଖ ସକାଳ ପ୍ରାୟ ୭ଟାରେ ସେ ସ୍କୁଲକୁ ଯାଇଥିଲେ। ଡ୍ୟୁଟି ସାରି ସେ ଗୃହଗଣନା କରିବାକୁ ଯାଇଥିଲେ। କିନ୍ତୁ ଅପରାହ୍ଣ ପର୍ଯ୍ୟନ୍ତ ଘରକୁ ନଫେରିବାରୁ ଏବଂ ତାଙ୍କ ମୋବାଇଲ୍ ସୁଇଚ୍-ଅଫ୍ ଥିବାରୁ ସୁରେଶଙ୍କ ସନ୍ଦେହ ହୋଇଥିଲା। ଏ ସଂପର୍କରେ ସେ ଥାନାରେ ଅଭିଯୋଗ କରିଥିଲେ।