ବାରିପଦା:ପୁଣି ମୟୁରଭଞ୍ଜ ଜିଲ୍ଲା ଦୁଆରଶୁଣି ଘାଟିରେ ଦୁର୍ଘଟଣା ଘଟିଛି। ଦୁଇ ମାଲବାହୀ ଟ୍ରକ ଧକ୍କା ହେବା ଫଳରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଛି । ଦୁର୍ଘଟଣାରେ ଗୋଟିଏ ଟ୍ରକ ଘାଟି ରାସ୍ତା ତଳକୁ ଖସିପଡିଛି । ଯାହାର ଚାଳକଙ୍କୁ ଉଦ୍ଧାର କରାଯାଇପାରିନି । ମୋରଡା ବିଧାୟକ ଏହି ସମୟରେ ରାଇରଙ୍ଗପୁର ଯାଉଥିବା ବେଳେ ତାଙ୍କ ସମ୍ମୁଖରେ ଦୁର୍ଘଟଣା ଘଟିଥିଲା । ଗୋଟିଏ ଟ୍ରକ ଚାଳକଙ୍କୁ ସେ ଉଦ୍ଧାର କରି ବାଙ୍ଗିରିପୋଷି ଡାକ୍ତରଖାନାକୁ ପଠାଇଥିବା ବେଳେ ରାସ୍ତା ତଳକୁ ଖସିଥିବା ଟ୍ରକର ଚାଳକଙ୍କୁ ଉଦ୍ଧାର ପାଇଁ ବିଧାୟକ ଅଗ୍ନିଶମ ଓ ଓଡ୍ରାଫ ଟିମକୁ ଡକାଇଛନ୍ତି । ବାଙ୍ଗିରିପୋଷି ପୁଲିସ ଘଟଣା ସ୍ଥଳରେ ପହଞ୍ଚି ପରିସ୍ଥିତି ନିୟନ୍ତ୍ରଣ କରୁଛି ।