ଭୁବନେଶ୍ବର: ରାଜଧାନୀ ଭୁବନେଶ୍ବରରେ ଦୈନିକ ସଂକ୍ରମଣ ବୃଦ୍ଧି ପାଇବାରେ ଲାଗିଛି। ହାଟ ମାନଙ୍କରେ ମଧ୍ଯ ସାମାଜିକ ଦୂରତ୍ବ ରହୁ ନାହିଁ। ଏ ନେଇ ବିଏମସି ପକ୍ଷରୁ ଭୁବନେଶ୍ଵରର ପ୍ରମୁଖ ହାଟ ଗୁଡ଼ିକୁ ସ୍ଥାନାନ୍ତର କରିବାକୁ ନିଷ୍ପତ୍ତି ନିଆଯାଇଛି। ଆସନ୍ତା ସୋମବାରରୁ ଭୁବନେଶ୍ଵରର ପ୍ରମୁଖ ହାଟ ଗୁଡିକ ସ୍ଥାନାନ୍ତର କରାଯିବ।
ସୂଚନା ଅନୁଯାୟୀ, ୟୁନିଟ-୧ ହାଟ ପୁଣି ପୂର୍ବପରି ୟୁନିଟ-୧ ହାଇସ୍କୁଲ ପଡ଼ିଆକୁ ଉଠିବ। ସେହିପରି ବ୍ରହ୍ମେଶ୍ୱର ହାଟ ବ୍ରହ୍ମେଶ୍ୱର ମେଳଣ ପଡ଼ିଆକୁ ସ୍ଥାନାନ୍ତର କରାଯିବ। ଲିଙ୍ଗରାଜ ହାଟ ଉଠିବ ବିଏମସି ମାର୍କେଟ କମ୍ପ୍ଲେକ୍ସକୁ। ଏହାସହ ଗୁରୁବାରଠାରୁ ୟୁନିଟ-୪ ହାଟ ଶାସ୍ତ୍ରୀ ନଗର ଓ ରେଡକ୍ରସ ସମ୍ମୁଖ ରାସ୍ତାକୁ ସ୍ଥାନାନ୍ତର ହୋଇ ସାରିଛି।