ବ୍ରହ୍ମପୁର: ପ୍ରାୟ ୧୧ ବର୍ଷ ତଳେ ୧୦ ହଜାର ଟଙ୍କା ଲାଞ୍ଚ ନେଇ ଭିଜିଲାନ୍ସ ହାତରେ ଧରାପଡ଼ିଥିଲେ ପାରଳାଖେମୁଣ୍ଡିର ତତ୍କାଳୀନ ସିଡିଭିଓ ଜଳଧର ମଲ୍ଲିକ। ଆଜି ଏହି ମାମଲାରେ ତାଙ୍କୁ ଦୋଷୀ ସାବ୍ୟସ୍ତ କରି ୨ ବର୍ଷ ଜେଲ୍ ଦଣ୍ଡାଦେଶ ସହ ୫ ହଜାର ଟଙ୍କା ଜରିମାନା ରାୟ ଶୁଣାଇଲେ ବ୍ରହ୍ମପୁର ସ୍ବତନ୍ତ୍ର ଭିଜିଲାନ୍ସ ବିଚାରପତି।। ଜରିମାନା ଅର୍ଥ ଦେଇ ନପାରିଲେ ତାଙ୍କୁ ଆଉ ୪ ମାସ ଜେଲ୍ରେ ରହିବାକୁ ପଡ଼ିବ ବୋଲି କୁହାଯାଇଛି।
୨୦୧୧ ମସିହା ଜୁନ୍ ୩୦ ତାରିଖରେ ସେ ଜଣେ ପ୍ରାଣୀଧନ ନିରୀକ୍ଷକଙ୍କୁ ଗଜପତି ଜିଲ୍ଲାର ଗାଇବରୁ ସିଆଳିକୁ ବଦଳି କରିବାକୁ ୧୦ ହଜାର ଟଙ୍କା ଲାଞ୍ଚ ମାଗିଥିଲେ। ଆଉ ଲାଞ୍ଚ ଅର୍ଥ ଗ୍ରହଣ କଲା ବେଳେ ଭିଜିଲାନ୍ସ ହାବୁଡ଼ରେ ପଡ଼ି ଯାଇଥିଲେ।