ଗଞ୍ଜାମ: ଦୁଇମାସରୁ ଉର୍ଦ୍ଧ୍ୱ ସମୟ ହେବ ମିଳୁନି ଭତ୍ତା। ସମସ୍ୟା ଭୋଗୁଛନ୍ତି ଦିବ୍ୟାଙ୍ଗ ଓ ବୃଦ୍ଧ ବୃଦ୍ଧା । କିଏ ବଙ୍କୁଲି ବାଡ଼ି ଧରି ନଇଁ ନଇଁ ଚାଲୁଛି ଆଉ କିଏ ଚମ ଧୁଡୁ ଧୁଡୁ ପରିଣତ ବୟସରେ ଭତ୍ତା ପାଇଁ ସଂଘର୍ଷ କରୁଛନ୍ତି l ଅନେକ ଜିଲ୍ଲାର ବିଭିନ୍ନ ଅଞ୍ଚଳରୁ ବୃଦ୍ଧ ବୃଦ୍ଧା ମାନଙ୍କ ଏଭଳି ବିକଳ ଚିତ୍ର ଦେଖିବାକୁ ମିଳିଛି । ଗଞ୍ଜାମ ଜିଲ୍ଲାରେ ବିଭିନ୍ନ ପଞ୍ଚାୟତରେ ହିତାଧିକାରୀଙ୍କୁ ଘାରିଛି ଭତ୍ତା ଚିନ୍ତା । ଭତ୍ତା ଟଙ୍କା ପାଇଁ ବ୍ୟାଙ୍କ ଠାରୁ ଆରମ୍ଭ କରି ପଞ୍ଚାୟତ କୁ ଦୌଡ଼ି ଦୌଡ଼ି ନୟାନ୍ତ ହୋଇ ଥିଲେ ମଧ୍ୟ କେହି ଶୁଣୁ ନାହାନ୍ତି । ପୂର୍ବ ସରକାର ଙ୍କ ସମୟରେ ମାସକୁ ମାସ ଭତା ଟଙ୍କା ମିଳୁ ଥିଲା କିନ୍ତୁ ସରକାର ବଦଳିବା ପରେ ଭତ୍ତା ଠିକ ସମୟରେ ମିଳୁନାହିଁ । ଯାହାକୁ ନେଇ ପରିଣତ ବୟସରେ ଦହଗଞ୍ଜ ହେଉଛନ୍ତି।