କଟକ : ଚଣ୍ଡୀଛକ ସ୍ଥିତ କୋଚିଂ ସେଣ୍ଟର ସିଲ୍ ହୋଇଛି । କୋଭିଡ୍ ଗାଇଡ୍ ଲାଇନ୍ ଉଲ୍ଲଙ୍ଘନ ଅଭିଯୋଗରେ ସିଲ୍ ହୋଇଥିବା ସୂଚନା ମିଳିଛି। ସକାଳେ ହିନ୍ଦ୍ ସିନେମା ସୁପର ମାର୍କେଟକୁ ସିଲ୍ କରିଥିଲା ସିଏମ୍ସି ।
ସେପଟେ ଆଜି ଓଡ଼ିଶାରେ ୨୧୪ କରୋନା ପଜିଟିଭ ଚିହ୍ନଟ ହୋଇଛନ୍ତି। ୧୨୬ ଜଣ କ୍ୱାରେଣ୍ଟିନରେ ଥିବାବେଳେ୮୮ ଟି ଲୋକାଲ କେସ ଥିବା ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି। କଟକରୁ ୨୦ କରୋନା ରୋଗୀ ଚିହ୍ନଟ ହୋଇଛନ୍ତି। ରେଭେନ୍ସା ବିଶ୍ୱବିଦ୍ୟାଳୟରୁ ୩ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏନେଇ ପିଜି କାଉନସିଲ୍ ଚେୟାରମ୍ୟାନ୍ ସ୍ମୃତିପ୍ରଭା ଦାସ ସୂଚନା ଦେଇଛନ୍ତି। ୩ ଜଣଙ୍କ ମଧ୍ୟରେ ୨ ଅଧ୍ୟାପିକା ଓ ଜଣେ ବିଦ୍ୟାର୍ଥୀ ଅଛନ୍ତି।
ଏବେ ଦେଶରେ ଅନେକ ରାଜ୍ୟରେ କରୋନାର ପ୍ରକୋପ ଦେଖାଦେଇଛି । ଏଥିରେ ଓଡ଼ିଶା ବାଦ୍ ପଡ଼ିନି । ଦିନକୁ ଦିନ ଏହି ରାଜ୍ୟରେ ବିଭିନ୍ନ ସ୍ଥାନରେ କରୋନା ସଂକ୍ରମଣ କାୟା ମେଲୁଥିବାର ସାମନାକୁ ଆସିଛି । ଫଳରେ ରାଜ୍ୟ ସରକାର କୋଭିଡ୍ ଗାଇଡ୍ ଲାଇନ୍କୁ ଦୃଢ଼ତାର ସହ ପାଳିବାକୁ ଲୋକଙ୍କୁ ସତର୍କ କରିଛନ୍ତି ।