ଭୁବନେଶ୍ୱର: ଆଜି ଶଙ୍ଖ ଭବନରେ ବସିବ ବିଜେଡିର ଗୁରୁତ୍ୱପୂର୍ଣ୍ଣ ବୈଠକ। ଗତ ନିର୍ବାଚନରେ ପରାଜିତ ହୋଇଥିବା ନେତା ଏହି ବୈଠକରେ ଯୋଗ ଦେବେ। ସେମାନଙ୍କ ସହିତ ସିଧା କଥା ହେବେ ଦଳର ସଭାପତି ନବୀନ ପଟ୍ଟନାୟକ। ଆଜି ଅପରାହ୍ନ ୪ଟାରେ ଏହି ବୈଠକ ହେବ ବୋଲି ଜଣାପଡ଼ିଛି। ଏହା ସହିତ SIR ପ୍ରକ୍ରିୟା, ଦଳରେ କିପରି ଅଧିକରୁ ଅଧିକ ଲୋକ ସାମିଲ ହେବେ, ସଂଗଠନକୁ କିପରି ଅଧିକ ମଜଭୁତ କରାଯିବ, ସେ ନେଇ ମଧ୍ୟ ଆଲୋଚନା କରାଯିବ ବୋଲି ଜଣାପଡ଼ିଛି। ୨୪ ବର୍ଷ ବନାମ ୨୪ ମାସ କାର୍ଯ୍ୟକ୍ରମ କରାଯାଇ ଲୋକଙ୍କ ମତାମତ ନିଆଯିବ।