ବାରିପଦା: ବାରିପଦା ମୁଖ୍ୟ ଚିକିତ୍ସାଳୟରେ ପିଲା ଚୋରି ଅଭିଯୋଗ। ପିଲା ଚୋରି ଅଭିଯୋଗରେ ମହିଳା ଅଟକ। ମହିଳା ଜଣକ ରାସଗୋବିନ୍ଦପୁର ଥାନା ଅନ୍ତର୍ଗତ ଝିଙ୍କିରିଆ ଗ୍ରାମର ସନ୍ଧ୍ୟାରାଣୀ ମହାନ୍ତ। ଡାକ୍ତରଖାନାରୁ ଶୁନଗଡିଆ ଅଞ୍ଚଳର ସେଖ କମରୁଦ୍ଦିନଙ୍କ ୨ଟି ଶିଶୁଙ୍କୁ ଚୋରି କରି ନେଉଥିବା ବେଳେ ଧରି ପୋଲିସର ଜିମା ଦେଲେ ପରିବାର ଲୋକେ। ଏହାପରେ ବାରିପଦା ଟାଉନ ଥାନା ପୋଲିସ ମହିଳା ଜଣଙ୍କୁ ଅଟକ ରଖି ଜେରା କରିବା ସହ ଘଟଣାର ତଦନ୍ତ କରୁଛି ।
ସୂଚନାଯୋଗ୍ୟ, ସେକ୍ କମିରୁଦ୍ଦିନଙ୍କ ସ୍ତ୍ରୀ ପ୍ରସବ ପରେ ରକ୍ତ ହୀନତା ଯୋଗୁଁ ଚିକିତ୍ସାଳୟରେ ଭର୍ତ୍ତି ଥିଲେ । ବିଳମ୍ବିତ ରାତିରେ ଅଭିଯୁକ୍ତ ମହିଳା ବେଡରୁ ଦୁଇ ଜଣ ଶିଶୁଙ୍କୁ ଚୋରି କରି ପଳାଉଥିବାବେଳେ ଧରାପଡିଥିଲେ । ତେବେ ଅଟକ ଥିବା ମହିଳାଙ୍କ ବିରୋଧରେ ଆସିଥିବା ଅଭିଯୋଗ ସତ ନା ଆଉ କ’ଣ । ତାକୁ ଜାଣିବା ପାଇଁ ଯାଞ୍ଚ କରୁଛି ପୋଲିସ । ବର୍ତ୍ତମାନ ଯାଏଁ ଏହି ଘଟଣାକୁ ନେଇ ପୋଲିସ ପକ୍ଷରୁ କୌଣସି ସୂଚନା ମିଳିନାହିଁ ।