ମୁମ୍ବାଇ: ରିଲିଜ ହେବାର ପ୍ରଥମ ଦିନରୁ ବିବାଦ ଘେରରେ ଫିଲ୍ମ ‘ଆଦିପୁରୁଷ’ । ଫିଲ୍ମ ଦେଖି ହଲରୁ ବାହାରିବା ପରେ କିଛି ଦର୍ଶକ ଉତ୍ସାହିତ ଅଛନ୍ତି ତ ଆଉ କିଏ ରାଗିଛନ୍ତି । ବର୍ତ୍ତମାନ ଏହି ମାମଲା ଶୁକ୍ରବାର ଦିନ କୋର୍ଟରେ ପହଞ୍ଚିଛି। ଫିଲ୍ମ ଉପରେ ପ୍ରତିବନ୍ଧକ ଲଗାଇବାକୁ ଦାବି କରାଯାଇଛି। ଫିଲ୍ମ ବିରୋଧରେ ଦିଲ୍ଲୀ ହାଇକୋର୍ଟରେ ଜନସ୍ୱାର୍ଥ ମାମଲା କଲା ରୁଜୁ କରିଛି ହିନ୍ଦୁ ସେନା । ଭଗବାନ ଶ୍ରରାମ ଓ ଦେଶର ସଂସ୍କୃତିକୁ ପରିହାସ କରାଯାଇଥିବା ଅଭିଯୋଗ ହୋଇଛି । ଭଗବାନ ରାମ ଏବଂ ଆମ ସଂସ୍କୃତିକୁ ଏଥିରେ ଉପହାସ କରାଯାଇଥିବାରୁ ହିନ୍ଦୁମାନଙ୍କ ଭାବାବେଗକୁ ଏହା ଆଘାତ କରିଛି । ହିନ୍ଦୁ ଭଗବାନ ରାମ, ରାବଣ, ସୀତା ଏବଂ ହନୁମାନଙ୍କୁ ନେଇ ପ୍ରସ୍ତୁତ ହୋଇଥିବା ଆପତ୍ତିଜନକ ଦୃଶ୍ୟ ଠିକ୍ ନୁହେଁ ।
ଆବେଦନରେ ଯୁକ୍ତି କରାଯାଇଛି ଯେ ଏହି ଚଳଚ୍ଚିତ୍ରରେ ରାବଣ ଏବଂ ହନୁମାନଙ୍କ ଭଳି ଚରିତ୍ରର ଫଟୋ ଭାରତୀୟ ସଭ୍ୟତା ଏବଂ ସଂସ୍କୃତିର ସମ୍ପୂର୍ଣ୍ଣ ବିପରୀତ ଅଟେ। ବିଶେଷକରି ଏହି ଚଳଚ୍ଚିତ୍ରରେ ରାବଣଙ୍କ ଚରିତ୍ରର ହିନ୍ଦୁ ସମ୍ପ୍ରଦାୟର ଭାବନାକୁ କ୍ଷତି ପହଞ୍ଚାଛି। ରାବଣ ଜଣେ ହିନ୍ଦୁ ବ୍ରାହ୍ମଣ ଥିଲେ ଏବଂ ତାଙ୍କୁ ଭୁଲ୍ ଭାବରେ ଚିତ୍ରଣ କରାଯାଇଛି ।ସିନେମାରେ ଚରିତ୍ରଗୁଡ଼ିକୁ ଯେଭଳି ପ୍ରଦର୍ଶିତ କରାଯାଇଛି ତାହା ରାମାୟଣରେ ବର୍ଣ୍ଣିତ ଚରିତ୍ରର ବିରୋଧାଭାଷ କରୁଥିବା ସାଧାରଣ ଦର୍ଶକମାନେ ଅଭିଯୋଗ କରୁଥିବା ଦେଖାଯାଉଛି ।