ଭୁବନେଶ୍ବର: ହସ୍ପିଟାଲରେ ଚାକିରି କରି ରୋଗୀଙ୍କୁ ଠକେଇ। ରୋଗୀଙ୍କ ସମ୍ପର୍କୀୟଙ୍କୁ ଚୂନ ଲଗାଉଥିଲେ ହସ୍ପିଟାଲ କର୍ମଚାରୀ। ଏଭଳି ଅମାନବିକ ଘଟଣା ଦେଖିବାକୁ ମିଳିଛି ଭରତପୁର ଥାନା ଅଧୀନରେ ଥିବା ଏକ ଘରୋଇ ହସ୍ପିଟାଲରେ।
ସେଠାରେ ଜଣେ କର୍ମଚାରୀ ରେଡିଓଲୋଜିଷ୍ଟ ଭାବେ କାମ କରି ଭିନ୍ନଭିନ୍ନ ଉପାୟରେ ବିଲିଂ ସମୟରେ ଠକୁଥିଲେ। ୩୧ ଲକ୍ଷ ଟଙ୍କା ଠକି ନେଇଥିବା କରିତକର୍ମା ନାରାୟଣ ବେହେରାକୁ କଟକ ବୟାଳିସ ମୌଜାର ଶିଶୁଆ ଗାଁରୁ ଗିରଫ କରାଯାଇଛି । କେସ ନମ୍ବର ୩୬୯, ଦଫା ୪୦୮, ୪୧୭, ୪୨୦ରେ କୋର୍ଟଚାଲାଣ କରାଯାଇଛି ।
୨୦୧୯ ରୁ ୨୦୧୩ ପର୍ଯ୍ୟନ୍ତ ନାରାୟଣ ସେଠାରେ କାମ କରୁଥିବା ବେଳେ ରୋଗୀଙ୍କୁ ମିଛ ବିଲ କରାଇ ଠକିଛନ୍ତି । ହସ୍ପିଟାଲର ଅନ୍ୟ ଯେଉଁମାନେ ଏଭଳି ଠକେଇର ସମ୍ପୃକ୍ତ ସେମାନଙ୍କୁ ମଧ୍ୟ ଖୁବଶୀଘ୍ର ଗିରଫ କରାଯିବ ବୋଲି କହିଛନ୍ତି ଅତିରିକ୍ତ ଡିସିପି ପି.କେ.ମଲ୍ଲ କହିଛନ୍ତି।