The Sakala RSS Feed Generator Higher Education Dept - The Sakala https://www.thesakala.in/tag/9966/rss Higher Education Dept RSS Feed ଉଚ୍ଚଶିକ୍ଷା ବିଭାଗ ପକ୍ଷରୁ ୨୦୨୨-୨୩ ବର୍ଷ ପାଇଁ ରାଜ୍ୟ ଏନଏସ୍ଏସ୍ ପୁରସ୍କାର ଘୋଷଣା

ଭୁବନେଶ୍ୱର: ଉଚ୍ଚଶିକ୍ଷା ବିଭାଗ ପକ୍ଷରୁ ଜାତୀୟ ସେବା ଯୋଜନା (ଏନଏସ୍ଏସ୍)ର ରାଜ୍ୟ ପୁରସ୍କାରଗୁଡ଼ିକ ନିମନ୍ତେ ବିଜେତା ମାନଙ୍କ ନାମ ଘୋଷଣା କରାଯାଇଛି । ୨୦୨୨-୨୩ ମସିହା ପାଇଁ ବିଭିନ୍ନ ମହାବିଦ୍ୟାଳୟରେ କାର୍ଯ୍ୟରତ ଜାତୀୟ ସେବା ଯୋଜନାଗୁଡ଼ିକର ପ୍ରୋଗ୍ରାମ ଅଫିସର ଓ ୟୁନିଟ୍ରାମାନଙ୍କୁ ପୁରସ୍କୃତ କରାଯିବ । ଏହା ବ୍ୟତୀତ ବୃକ୍ଷରୋପଣ, ରକ୍ତଦାନରେ ଉଲ୍ଲେଖନୀୟ ସଫଳତା ହାସଲ କରିଥିବା ୟୁନିଟ୍‌ଗୁଡ଼ିକୁ ପୁରସ୍କୃତ କରାଯିବ । ଅନୁରୂପ ଭାବରେ ଶ୍ରେଷ୍ଠ ସ୍ଵେଚ୍ଛାସେବୀମାନଙ୍କୁ ମଧ୍ୟ ପୁରସ୍କୃତ କରାଯିବ ।

ବିଜେତା ମାନଙ୍କୁ ଟ୍ରଫି, ନଗଦ ଅର୍ଥରାଶି, ପଦକ ଓ ପ୍ରମାଣପତ୍ର ପ୍ରଦାନ କରାଯିବ । ବିଭାଗ ପକ୍ଷରୁ ଗଠିତ ବିଶେଷଜ୍ଞ କମିଟି ଦ୍ଵାରା ଚୟନ କରାଯାଇଥ‌ିବା ଏହି ବିଜେତାମାନଙ୍କୁ ନିକଟ ଭବିଷ୍ୟତରେ ଅନୁଷ୍ଠିତ ହେବାକୁ ଥିବା ଏକ ସ୍ଵତନ୍ତ୍ର ଉତ୍ସବରେ ପୁରସ୍କୃତ କରାଯିବ । ତିନିଜଣ ପ୍ରୋଗ୍ରାମ ଅଫିସର, ତିନିଟି ଶ୍ରେଷ୍ଠ କଲେଜ୍ ୟୁନିଟ୍, ବୃକ୍ଷରୋପଣ, ରକ୍ତଦାନ ପାଇଁ ଦୁଇଟି ୟୁନିଟ୍ ସମେତ ୧୨ ଜଣ ସ୍ଵେଚ୍ଛାସେବୀଙ୍କୁ ପୁରସ୍କୃତ କରାଯିବ ବୋଲି ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।

]]> ଓଡ଼ିଶା https://www.thesakala.in/latest-odisha-news/announcement-of-state-nss-award-for-the-year-2022-23-by-the-department-of-higher-education/article-24978 https://www.thesakala.in/latest-odisha-news/announcement-of-state-nss-award-for-the-year-2022-23-by-the-department-of-higher-education/article-24978 Thu, 31 Aug 2023 20:03:08 +0530 ‘ଇ-ରିସୋର୍ସେସ୍‌‌’ ଭଳି ଅଭିନବ ପଦକ୍ଷେପ ପାଇଁ ରାଜ୍ୟ ଉଚ୍ଚଶିକ୍ଷା ବିଭାଗକୁ ମିଳିଲା ‘ସ୍କଚ୍‌‌’ ସ୍ୱର୍ଣ୍ଣ ସମ୍ମାନ

ଭୁବନେଶ୍ୱର: ରାଜ୍ୟ ଉଚ୍ଚଶିକ୍ଷା ବିଭାଗକୁ ‘ସ୍କଚ୍‌‌’ ସ୍ୱର୍ଣ୍ଣ ସମ୍ମାନ ମିଳିଛି। ‘ଇ-ରିସୋର୍ସେସ୍‌‌’ ଭଳି ଅଭିନବ ପଦକ୍ଷେପ ପାଇଁ ଉଚ୍ଚଶିକ୍ଷା ବିଭାଗକୁ ଶିକ୍ଷା ବର୍ଗରେ ‘ସ୍କଚ୍‌‌’ ଏହି ସମ୍ମାନ ପ୍ରଦାନ କରିଛି। ରାଜ୍ୟର ବିଭିନ୍ନ ବିଶ୍ୱବିଦ୍ୟାଳୟ ଓ ସ୍ୱୟଂଶାସିତ କଲେଜଗୁଡ଼ିକରେ ଗବେଷଣା ପ୍ରକ୍ରିୟାକୁ ସଂଗଠିତ କରିବା ଓ ଗବେଷଣାର୍ଥୀଙ୍କ ପକ୍ଷରୁ ପ୍ରକାଶ ପାଉଥିବା ଇ-ଜର୍ଣ୍ଣଲ୍‌‌, ମେଗାଜିନ୍‌‌, ଇ-ବୁକ୍‌‌ ତଥା ବିଭିନ୍ନ ନିବନ୍ଧର ଡିଜିଟାଲ୍‌‌ ପ୍ରକାଶନ ପାଇଁ ‘ଇ-ରିସୋର୍ସେସ୍‌‌’ ଭଳି ଅଭିନବ ପଦକ୍ଷେପ ଉଚ୍ଚଶିକ୍ଷା ବିଭାଗ ବିଗତ ବର୍ଷ ଆରମ୍ଭ କରିଥିଲା। ଫଳରେ ‘ଇ-ରିସୋର୍ସେସ୍‌‌’ ପୋର୍ଟାଲ ଦ୍ୱାରା ଗୋଟିଏ କ୍ଲିକ୍‌‌ରେ ଛାତ୍ରଛାତ୍ରୀ ଓ ଗବେଷଣାର୍ଥୀ ବିଭିନ୍ନ ପ୍ରକଳ୍ପର ନିବନ୍ଧ ସହଜରେ ପାଇ ପାରୁଛନ୍ତି।

ଏଥିପାଇଁ ଏକ ପୋର୍ଟାଲ ବିକଶିତ କରାଯାଇଥିବା ବେଳେ ବିଶ୍ୱବିଦ୍ୟାଳୟ ଏବଂ କଲେଜଗୁଡ଼ିକ ପାଇଁ ଅଲଗା ଅଲଗା ପଞ୍ଜୀକରଣ ବ୍ୟବସ୍ଥା ଉପଲବ୍ଧ କରାଯାଇଛି। ତେବେ ଏହି ଅଭିନବ ପଦକ୍ଷେପ ପାଇଁ ରାଜ୍ୟ ଉଚ୍ଚଶିକ୍ଷା ବିଭାଗକୁ ଶିକ୍ଷା ବର୍ଗରେ ୨୦୨୨ ମସିହା ପାଇଁ ସ୍ୱର୍ଣ୍ଣ ସ୍କଚ୍‌‌ ସମ୍ମାନ ପ୍ରଦାନ କରାଯାଇଛି। ରାଜ୍ୟ ଉଚ୍ଚଶିକ୍ଷା ପରିଷଦ ପକ୍ଷରୁ ‘ଇ-ରିସୋର୍ସେସ୍‌‌’ର ପ୍ରସ୍ତୁତି କରାଯାଇଥିବା ବେଳେ ରାଜ୍ୟ ସରକାର ଏଥି ପାଇଁ ପ୍ରାୟ ୧୨କୋଟି ଟଙ୍କା ବ୍ୟୟ କରିଥିବା ସୂଚନା ମିଳିଛି।

]]> ଓଡ଼ିଶା ବଡ ଖବର https://www.thesakala.in/latest-odisha-news/higher-education-department-has-been-awarded-with-the-prestigious-skoch-gold-award/article-19695 https://www.thesakala.in/latest-odisha-news/higher-education-department-has-been-awarded-with-the-prestigious-skoch-gold-award/article-19695 Sat, 11 Mar 2023 09:39:14 +0530