କଟକ: ଗିରଫ ହେଲା ଚୌଦ୍ବାର ଜେଲରୁ ଫେରାର୍‌ ଦ୍ବିତୀୟ କଏଦୀ ରାଜା ସାହାଣୀ । ଦୀର୍ଘ ୬ ମାସ ପରେ ଉତ୍ତରାଖଣ୍ତର ଋଷିକେଶରୁ ରାଜାକୁ ଗିରଫ କଲା କମିଶନରେଟ୍ ପୋଲିସର ସ୍ବତନ୍ତ୍ର ଟିମ୍ । ଆଜି ସନ୍ଧ୍ୟା ସୁଦ୍ଧା ଓଡିଶାରେ ପହଂଚିବ ରାଜା । ସ୍ବାସ୍ଥ୍ୟ ପରୀକ୍ଷା ପରେ କୋର୍ଟରେ ହାଜର କରାଯିବ । ଏହାପରେ କିଛି ଦିନ ପାଇଁ ରିମାଣ୍ଡରେ ନେବାକୁ ଅନୁମତି ମାଗିପାରି ପୋଲିସ । ଦଶହରାରେ ମଧୁକାନ୍ତ ଓ ରାଜା ଚୌଦ୍ବାର ଜେଲ ପାଚେରୀ ଡେଇଁ ଫେରାର୍ ହୋଇଯାଇଥିଲେ । ଅଭୟ ଫେରାର୍‌ ହେବା ପରେ ପ୍ରଥମ କଏଦୀ ମଧୁକାନ୍ତ ରାଣାକୁ  ବୃନ୍ଦାବନରୁ ଗିରଫ କରିଥିଲା ପୋଲିସ । 

ଏହି ଦୁଇ ଅପରାଧୀ ମଧୁକାନ୍ତ ରାଣା ଓ ରାଜା ସାହାଣୀ ବିହାର ଅଞ୍ଚଳର । ଗତବର୍ଷ ଅକ୍ଟୋବରରେ ସେଲର ଲୁହାରଡ କାଟି, କମ୍ବଳକୁ ଦଉଡ଼ି ଭାବେ ବ୍ୟବହାର କରି ଜେଲର ଚାରିକାନ୍ଥ ଡେଇଁ ଫେରାର ହୋଇଥିଲେ । ଗତବର୍ଷ ଜାନୁଆରୀରେ ଯାଜପୁର ଜିଲ୍ଲା ପାଣିକୋଇଲିରେ ଥିବା ପଣ୍ଡା ଅଳଙ୍କାର ଦୋକାନରୁ ଲୁଟ୍ ମାମଲାରେ ଏହି ଦୁଇ ଦୁର୍ଦ୍ଦାନ୍ତ କଏଦୀ ସଂପୃକ୍ତ ଥିଲେ ।

ଭୁବନେଶ୍ୱର: ଗତ କିଛିଦିନ ହେଲା ଜେଲ ବିଭାଗରେ ଅନେକ ବ୍ୟତିକ୍ରମ ଦେଖାଯାଇଛି । କେତେବେଳେ ଅନ୍ତେବାସୀ ଖସି ଯାଉଛନ୍ତି ତ କେତେବେଳେ ଅନ୍ତେବାସୀଙ୍କ ସୁନା ଚୋରି ଅଭିଯୋଗ ଆସୁଛି । ଏଭଳି କିଛି ଘଟଣାକ୍ରମକୁ ନେଇ ମୁହଁ ଖୋଲିଛନ୍ତି ଜେଲ ଡିଜି । ଯେଉଁମାନେ ବିଭିନ୍ନ ଅବହେଳା ପାଇଁ ଦାୟୀ, ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉଛି । ଲୋକ ବଳ ଅଭାବ ଏବେ ଜେଲ ବିଭାଗରେ ଏକ ପ୍ରମୁଖ ସମସ୍ୟା ପାଲଟିଛି । Modern Jail Manual ଅନୁଯାୟୀ ୫୦ ପ୍ରତିଶତ କର୍ମଚାରୀ ରହିଛନ୍ତି । ସାରା ରାଜ୍ୟରେ ବର୍ତ୍ତମାନ ୧୮ ହଜାର ଅନ୍ତେବାସୀ ରହିଛନ୍ତି । ଅନ୍ତେବାସୀଙ୍କ ମଧ୍ୟରେ ସୁଧାର ଆଣିବା ସହ ସେମାନଙ୍କ ମାନସିକତାରେ ପରିବର୍ତ୍ତନ ଆଣିବା ପାଇଁ ବିଭିନ୍ନ ଯୋଜନା ହାତକୁ ନିଆଯାଉଛି । ଯୋଗ ପ୍ରାଣାୟମ ପାଇଁ ଯୋଗ ଶିକ୍ଷକଙ୍କୁ ନିଯୁକ୍ତ କରିଛି ଜେଲ ବିଭାଗ । କିଛି କାଉନ୍ସିଲରଙ୍କୁ ନିଯୁକ୍ତି ମିଳିଛି। ନିଶା ଛଡ଼ାଇବା ପାଇଁ ବ୍ୟବସ୍ଥା କରାଯାଇଛି । ସ୍କିଲ ଇଣ୍ଡିଆ ଜରିଆରେ ଅନ୍ତେବାସୀଙ୍କୁ ସ୍ୱାବଲମ୍ବୀ କରିବା ପାଇଁ ଜେଲ ପରିସରରେ ଚାଷ, ହାତ ତିଆରି ସାମଗ୍ରୀର ପ୍ରଶିକ୍ଷଣ ଓ ବିକ୍ରୟ ପାଇଁ ବିଭିନ୍ନ ଯୋଜନା ହାତକୁ ନିଆଯାଇଛି । 

ଏହାବାଦ ମଧ୍ୟ ପାଚେରୀ ଡେଇଁ ଜେଲ ପରିସରକୁ ନିଶା ଦ୍ରବ୍ୟ ଚାଲାଣ ନେଇ ବାରମ୍ବାର ଅଭିଯୋଗ ପରେ ବର୍ତ୍ତମାନ ଜେଲ ପାଚେରୀ ମାନଙ୍କରେ AI କ୍ୟାମେରା ଇଂଷ୍ଟଲ କରିବା ପାଇଁ ଯୋଜନା ଚଳାଉଛି ଜେଲ ବିଭାଗ ।  ୨୦୨୪ ରେ ୧୨ ଜଣ ଜେଲରୁ ଚମ୍ପଟ ମାରିଥିବା ବେଳେ ୨୦୨୫ ରେ ୬ ଜଣ ଚମ୍ପଟ ମାରିଥିଲେ । ପାରୋଲ ରେ ଯାଇ ଫେରୁନଥିବା ଅନ୍ତେବାସୀଙ୍କୁ ଧରିବା ପାଇଁ ଡ୍ରାଇଭ ଚାଲିଛି । ଏ ନେଇ ପୋଲିସ ସହାୟତାରେ ସ୍ପେଶାଲ ଡ୍ରାଇଭ ଚାଲିଛି । ତେବେ ଜେଲ ବିଭାଗର କିଛି ଗୁପ୍ତ ଖବର ବାହାରକୁ ଆସୁଥିବା ନେଇ ବର୍ଷିଛନ୍ତି ଜେଲ ଡିଜି । ବିଭାଗରେ କିଛି ଦୁର୍ନୀତିଗସ୍ତ ତଥା ବିଶୃଙ୍ଖଳ ଅଫିସର ଏଭଳି ଖବର ବାହାରକୁ ଆଣୁଥିବା କହିଛନ୍ତି ଡିଜିପି ।

କଟକ: ଚୌଦ୍ବାର ଜେଲ୍‌ରୁ ଚମ୍ପଟ୍‌ ମାରିଥିବା ୨ କଏଦୀଙ୍କ ମଧ୍ୟରୁ ଜଣେ ଗିରଫ । କୁଖ୍ୟାତ ମଧୁକାନ୍ତ ରାଣାକୁ ଉତ୍ତର ପ୍ରଦେଶରୁ  ଗିରଫ କଲା କମିଶନରେଟ୍‌ ପୋଲିସ । ଗିରଫ ନେଇ ପୋଲିସ ଡିଜିଙ୍କ ସୂଚନା । ତେବେ ଆଉ ଜଣେ ଫେରାର ଥିବା କଏଦୀଙ୍କୁ ଧରିବାକୁ ଏବେ ବି ଉଦ୍ୟମ ଜାରି ରଖିଛି ପୋଲିସ । 

କଟକ: ଚୈଦ୍ୱାର ଜେଲରେ ଗୋପାଳ କାଟିଲା ଦୁଇ ଦିନ । ଆଜି ସକାଳ ୬:୩୦ରେ ଉଠିଥିଲା ଗୋପାଳ । ନିଜର ନିତ୍ୟକର୍ମ ସାରି ସ୍ୱତନ୍ତ୍ର ସେଲରୁ ବାହାରକୁ ବାହାରିଥିଲା ଗୋପାଳ । ଜେଲ ମାନୁଆଲ ହିସାବରେ ଗୋପାଳକୁ ଦିଆଯାଇଥିଲା ଚୁଡା ସନ୍ତୁଳା । ସକାଳ ଜାଳିଖିଆ ଖାଇ ଜେଲ କତୃପକ୍ଷଙ୍କୁ ଦୁଇଟି ଖବର କାଗଜ ମାଗିଥିଲା ଗୋପାଳ । ଗୋପାଳକୁ ଦେଖିବା ଓ ତାହା ସହ କଥା ହେବାକୁ ଅନ୍ୟ ବନ୍ଦୀଙ୍କ ଭିଡ଼ ଦେଖିବାକୁ ମିଳିଥିଲା । କଡା ସୁରକ୍ଷା ମଧ୍ୟରେ ଥିବାବେଳେ ତାହା ପାଖକୁ କାହାକୁ ଛଡାଯାଇ ନଥିଲା ।