କେନ୍ଦୁଝର: କେନ୍ଦୁଝର ଆନନ୍ଦପୁରରେ ଲଜ୍ଜାଜନକ ଘଟଣା । ଦୃଷ୍ଟିବାଧିତ ନାବାଳିକା ଦୁଷ୍କର୍ମ ଘଟଣାକୁ ନେଇ ପ୍ରବଳ ଉତ୍ତେଜନା । ଜଣେ ଦିବ୍ୟାଙ୍ଗ ନାବାଳିକାକୁ ଗର୍ଭବତୀ କରି ଏକ ନିର୍ଦ୍ଦିଷ୍ଟ ସମ୍ପ୍ରଦାୟର ଯୁବକ ଫେରାର୍ ମାରିଥିବା ଅଭିଯୋଗ ହୋଇଛି।  ଏହି ଘଟଣା ପ୍ରଘଟ ହେବା ପରେ ଆଜି ଆନନ୍ଦପୁର ଥାନା ଅଞ୍ଚଳରେ ଉତ୍ତେଜନା ଦେଖାଦେଇଛି । ସମ୍ପୃକ୍ତ ଗାଁରେ ଥିବା ଅନ୍ୟ ଏକ ଗୋଷ୍ଠୀର ଧର୍ମାନୁଷ୍ଠାନରେ ଭଙ୍ଗାରୁଜା କରିଛନ୍ତି ଉତ୍ୟକ୍ତ ଲୋକେ । ଅଭିଯୁକ୍ତ ଫେରାର ହୋଇ ସାରିଥିବାରୁ ପ୍ରବଳ ଉତ୍ତେଜନା ପ୍ରକାଶ ପାଇଛି । ଖବରପାଇ କେନ୍ଦୁଝର ଏସପି, ଆନନ୍ଦପୁର ଏସଡପିଓ, ସମସ୍ତ ଥାନା ଅଧିକାରୀ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିବାକୁ ଚେଷ୍ଟା  ଚଳାଇଛନ୍ତି । ଗାଁରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି । 

ଆନନ୍ଦପୁର: ମହୁ ମାଛି ଆକ୍ରମଣରେ ଆନନ୍ଦପୁର ବିଧାୟକ ଭାଗିରଥୀ ସେଠୀ ଆହତ ହୋଇଛନ୍ତି । ଆହତ ବିଧାୟକଙ୍କୁ ଡାକ୍ତରଖାନା ଭର୍ତ୍ତି କରାଯାଇଛି । ମାନ୍ୟବର ବିଧାୟକ ଆଜି ଏକାକି ମଣିଂ ଓ୍ବାକ୍ କରୁଥିବା ସମୟରେ ଆନନ୍ଦପୁର ବ୍ଲକ୍ ଛକ ଠାରେ ହଠାତ୍ ମହୁମାଛି ଆକ୍ରମଣର ଶିକାର ହୋଇଥିଲେ । ଏହି ସମୟରେ ମହୁମାଛିଙ୍କ କବଳରୁ ନିଜକୁ ରକ୍ଷା କରିବାକୁ ଯାଇ ବିଧାୟକ ନିକଟ କ୍ଲବ୍ କାର୍ଯ୍ୟଳୟକୁ ଦୌଡି ପଳାଇଥିଲେ । ତଥାପି ମହୁ ମାଛିଙ୍କ ଆକ୍ରମଣ ଯୋଗୁଁ ତାଙ୍କ ଶରୀରର ବିଭିନ୍ନ ସ୍ଥାନରେ ପ୍ରାୟ ୨୦ରୁ ୨୫ ଟି ସ୍ଥାନରେ କ୍ଷତ ସୃଷ୍ଟି ହୋଇଛି । ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ଚିକିତ୍ସାରେ ତାଙ୍କ ସ୍ବାସ୍ଥ୍ୟସେବା ସ୍ଥିର ରହିଥିବା ଡାକ୍ତରଖାନା କର୍ତୃପକ୍ଷ ସୂଚନା ଦେଇଛନ୍ତି ।