କାଲିଫର୍ଣ୍ଣିଆ: ବିଶ୍ବର ଦୁଇ ମହାଶକ୍ତି ଆମେରିକା ଏବଂ ଚୀନ୍‌ର ରାଷ୍ଟ୍ରମୁଖ୍ୟ ଭାବେ ରାଷ୍ଟ୍ରପତି ଜୋ ବାଇଡେନ ଏବଂ ସି ଜିନପିଙ୍ଗଙ୍କ ମଧ୍ୟରେ ବୈଠକକୁ ନେଇ ବିଭିନ୍ନ ସ୍ତରରେ ଉତ୍ସାହ ଦେଖାଯାଇଥିଲା। ବ୍ୟବସାୟିକ ଏବଂ ରାଜନୀତିକ କାରଣକୁ ନେଇ ବିଗତ କିଛି ବର୍ଷ ହେଲେ ଉଭୟ ରାଷ୍ଟ୍ରଙ୍କ ମଧ୍ୟରେ ବିବାଦ ଲାଗି ରହି ଆସିଥିଲା ବେଳେ ଉଭୟ ନେତା ପ୍ରାୟ ବର୍ଷକ ପରେ ଏକାଠି ହୋଇଥିଲେ। ଆମେରିକା ଏବଂ ଚୀନ୍‌ ମଧ୍ୟରେ ସବୁ ସ୍ତରରେ ସମ୍ପର୍କ ସ୍ବାଭାବିକ ହେଲେ ବିଶ୍ବସ୍ତରରେ ଅନେକ ସମସ୍ୟା ଦୂର ହୋଇପାରିବ ବୋଲି ଆଶା କରାଯାଉଥିଲା। କିନ୍ତୁ ଉଭୟଙ୍କ ମଧ୍ୟରେ ଗୁରୁବାର ଶେଷ ହୋଇଥିବା ବୈଠକରେ ସେଭଳି କିଛି ଦେଖାଯାଇ ନାହିଁ। ବରଂ ରାଷ୍ଟ୍ରପତି ବାଇଡେନ ଜିନ୍‌ପିଙ୍ଗଙ୍କ ଉଦ୍ଦେଶ୍ୟରେ ଯେଉଁ ଟିପ୍ପଣୀ ଦେଇଛନ୍ତି ତାହା ଉଭୟ ରାଷ୍ଟ୍ର ମଧ୍ୟରେ ସମ୍ପର୍କକୁ ଆହୁରି ତିକ୍ତ କରିପାରେ ବୋଲି ଆଶଙ୍କା ଉପୁଜିଛି। ଗୁରୁବାର କାଲିଫର୍ଣ୍ଣିଆରେ ଉଭୟ ନେତା ଏକାଠି ହେବା ସହିତ ପ୍ରାୟ ୪ ଘଣ୍ଟାରୁ ଅଧିକ ସମୟ ଧରି ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ। ଏହାପରେ ସେମାନେ ବଗିଚାରେ ଖୁସିରେ ବୁଲିବା ସହିତ ସେମାନଙ୍କ ପାଇଁ ଆୟୋଜିତ ଭବ୍ୟ ନୈଶ୍ୟ ଭୋଜିରେ ଅନ୍ୟ ବହୁ ସମ୍ମାନିତ ଅତିଥିଙ୍କ ମଧ୍ୟରେ ରାତ୍ର ଭୋଜନ କରିଥିଲେ।

କିନ୍ତୁ ଏହା ପରେ ପରେ ସାମ୍ବାଦିକ ସମ୍ମିଳନୀରେ ରାଷ୍ଟ୍ରପତି ବାଇଡେନ ଯାହା କହିଥିଲେ ତାହା ସବୁ ମହଲକୁ ବିସ୍ମିତ କରିଦେଇଥିଲା। ସାମ୍ବାଦିକମାନଙ୍କ ପ୍ରଶ୍ନରେ ପ୍ରଥମେ ଉଭୟଙ୍କ ମଧ୍ୟରେ ବିଭିନ୍ନ ପ୍ରସଙ୍ଗରେ ଆଲୋଚନା ସକାରାତ୍ମକ ରହିବା ସହିତ ସାର୍ଥକପୂର୍ଣ୍ଣ ଆଲୋଚନା ହୋଇଥିବା ବାଇଡେନ କହିଥିଲେ। କିନ୍ତୁ ପରେ ପରେ ଜିନପିଙ୍ଗ ଜଣେ ଏକଛତ୍ରବାଦୀ ଶାସକ ବୋଲି ବାଇଡେନ କହିଥିଲେ। ସାମ୍ବାଦିକମାନଙ୍କ ପ୍ରଶ୍ନର ଉତ୍ତରରେ ସେ କହିଥିଲେ ଯେ, ଜିନପିଙ୍ଗ ହେଉଛନ୍ତି ଏକ କମ୍ୟୁନିଷ୍ଟ ଚିନ୍ତାଧାରାର ନେତା। ତାଙ୍କ ଦେଶ କମ୍ୟୁନିଷ୍ଟ ଚିନ୍ତାଧାରାରେ ପରିଚାଳିତ। ଏହାକୁ ନେଇ ଆମେରିକା ସରକାର ଏବଂ ଚୀନ ସରକାର ମଧ୍ୟରେ ଅନେକ ତଫାତ୍‌ ରହିଛି। ତେଣୁ ମୁଁ ଖୋଲାଖୋଲି ଭାବେ ଜିନପିଙ୍ଗଙ୍କୁ ଜଣେ ଏକଛତ୍ରବାଦୀ ଶାସକ କହୁଛି ବୋଲି ବାଇଡେନ କହିଥିଲେ। ଏହାବ୍ୟତୀତ ଚୀନ୍‌ ଏବଂ ଆମେରିକା ମଧ୍ୟରେ ବିବାଦ ରହିଥିଲେ ହେଁ ଏହା ପ୍ରତିଦ୍ବନ୍ଦ୍ବିତାର ରୂପ ନ ନେବା ଉଚିତ ବୋଲି ବାଇଡେନ କହିଥିଲେ। ଦୁଇ ଦେଶ ମଧ୍ୟରେ ରହିଥିବା ମତ ପାର୍ଥକ୍ୟ ସବୁବେଳେ ସମାଧାନପୂର୍ବକ ରହିବା ସହ ସମ୍ପର୍କ ଯେଭଳି ଖରାପ ନ ହୁଏ ଏଥିପାଇଁ ଦୁଇ ଦେଶ ସହମତି ପ୍ରକାଶ କରିଥିବା କହିଥିଲେ। ଏହାସହିତ ଇସ୍ରାଏଲର ସାଂପ୍ରତିକ ସ୍ଥିତି ଏବଂ ତାଇୱାନକୁ ନେଇ ମଧ୍ୟ ଆମେରିକାର ଆଭିମୁଖ୍ୟ ସମ୍ପର୍କରେ ବାଇଡେନ ସ୍ପଷ୍ଟ କରିଥିଲେ। ଦୁଇ ରାଷ୍ଟ୍ରପତିଙ୍କ ମଧ୍ୟରେ ଦ୍ୱିପାଖିକ ସମ୍ପର୍କ ସହ ଆଞ୍ଚଳିକ ଓ ବିଶ୍ୱର ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଯଥା ଇରାନ, ମଧ୍ୟପ୍ରାଚ୍ୟ, ୟୁକ୍ରେନ୍, ତାଇୱାନ, ଭାରତ ପ୍ରଶାନ୍ତ ମହାସାଗର କ୍ଷେତ୍ର , ଅର୍ଥନୀତି, ପ୍ରତିରକ୍ଷା, ଡ୍ରଗ୍ସ, ଏବଂ ଜଳବାୟୁ ପରିବର୍ତ୍ତନ ବିଷୟରେ ଆଲୋଚନା ହୋଇଥିଲା। ତେବେ ଜିନପିଙ୍ଗଙ୍କ ପ୍ରତି ବାଇଡେନଙ୍କ ଏହି ଟିପ୍ପଣୀ ଏବେ ବୈଶ୍ବିକ ରାଜନୀତିକ ମହଲରେ ବେଶ ଚର୍ଚ୍ଚାର ବିଷୟ ପାଲଟିଛି।

ନୂଆଦିଲ୍ଲୀ : ସେପ୍ଟେମ୍ବର ୯ ଏବଂ ୧୦ ତାରିଖ ଦିଲ୍ଲୀରେ ଜି-୨୦ ସମ୍ମିଳନୀ ହେବ। ଏହି ପ୍ରଭାବଶାଳୀ ଗୋଷ୍ଠୀର ବାର୍ଷିକ ଶିଖର ସମ୍ମିଳନୀରେ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ସମେତ ଦୁଇ ଡଜନରୁ ଅଧିକ ବିଶ୍ୱ ନେତା ଏଥିରେ ଅଂଶଗ୍ରହଣ କରିବାକୁ ଭାରତ ଆସୁଛନ୍ତି । ବିଦେଶୀ ଅତିଥିମାନଙ୍କ ପାଇଁ ଜଳଖିଆ, ମଧ୍ୟାହ୍ନ ଭୋଜନ ଏବଂ ରାତ୍ରୀ ଭୋଜନ ତାଲିକା ପ୍ରସ୍ତୁତ କରାଯାଇଛି । ନିର୍ଭରଯୋଗ୍ୟ ସୂତ୍ର ଅନୁଯାୟୀ ଅତିଥିମାନଙ୍କ ପସନ୍ଦ ଅନୁଯାୟୀ କିଛି ଖାଦ୍ୟ ପ୍ରସ୍ତୁତ ହୋଇଥିବାବେଳେ ବାକି ଭାରତର ପାରମ୍ପାରିକ ଖାଦ୍ୟ ପରିବେଷଣ କରାଯିବ। ଆମେରିକାର ରାଷ୍ଟ୍ରପତି ଜୋ ବାଇଡେନଙ୍କ ଠାରୁ ଆରମ୍ଭ କରି ବ୍ରଟେନର ପ୍ରଧାନମନ୍ତ୍ରୀ ଋଷି ସୁନକଙ୍କ ପର୍ଯ୍ୟନ୍ତ ଅତିଥିମାନଙ୍କୁ ଚାନ୍ଦନୀ ଚୌକର ସୁସ୍ବାଦୁ ଖାଦ୍ୟ ଏବଂ ମିଲେଟରୁ ପ୍ରସ୍ତୁତ ଖାଦ୍ୟ ସମେତ ଭାରତୀୟ ଷ୍ଟ୍ରିଟ ଖାଦ୍ୟ ଯୋଗାଇ ଦିଆଯିବ। ଖାଦ୍ୟ ତାଲିକାରେ ଦେଶର ବିଭିନ୍ନ ରାଜ୍ୟର ମୁଖ୍ୟ ଖାଦ୍ୟ ପରିବେଷଣ କରାଯିବ। ଏଥିରେ ରାଜସ୍ଥାନ, ଦକ୍ଷିଣ ଭାରତୀୟ, ପଞ୍ଜାବୀ ସହିତ ମଧ୍ୟପ୍ରଦେଶର ମନୋନୀତ ପ୍ରମୁଖ ଖାଦ୍ୟ ପରିବେଷଣ କରାଯିବ ।

ତାଜ ପ୍ୟାଲେସ ବିଦେଶୀ ଅତିଥିମାନଙ୍କ ପାଇଁ ସ୍ବତନ୍ତ୍ର ଭୋଜନ ପ୍ରସ୍ତୁତ କରିଛି, ଯେଉଁଥିରେ ଭାରତୀୟ ଖାଦ୍ୟ ଏବଂ ପାଶ୍ଚାତ୍ୟ, ଫ୍ୟୁଜନ, ମିନି ବିଟ୍ସ ଅନ୍ତର୍ଭୁକ୍ତ। ୧୨୦ ରୋଷେୟାଙ୍କର ଏକ ଟିମ ଅତିଥିମାନଙ୍କ ସ୍ବାଦକୁ ଦୃଷ୍ଟିରେ ରଖି ଏକ ବଡ଼ ମେନୁ ପ୍ରସ୍ତୁତ କରିଛନ୍ତି । ଅତିଥିମାନଙ୍କ ଜଳଖିଆ, ମଧ୍ୟାହ୍ନ ଭୋଜନ ଏବଂ ରାତ୍ରୀ ଭୋଜନ ପାଇଁ ଅତି କମରେ ୫୦୦ ପ୍ରକାର ଖାଦ୍ୟ ପ୍ରସ୍ତୁତ କରାଯାଇଛି। ଏଥିରେ ବିଭିନ୍ନ ଶସ୍ୟ ଉପରେ ସର୍ବାଧିକ ଧ୍ୟାନ ଦିଆଯାଇଛି । ମିଠା ଗୁଡିକ ମଧ୍ୟରେ ବିକାନେର ମାଲାଇ ଘେଭର୍‌, ଗୁଲାବ ଚୁର୍ମା, ଗହମ-ବାଜରା, ଗ୍ରାମ ମଇଦା ଚୁର୍ମା, ପିସ୍ତା କୁଲଫି, ଗୁମ ହାଲୱା, କମଳା ମାଲପୁଆ, ଶ୍ରୀଖଣ୍ଡ, କେସର ପିସ୍ତା-ଚାନ୍ଦାଇ ସ୍ବାଦଯୁକ୍ତ ଭର୍ମିସେଲି, ଖୀର ପରି ଖାଦ୍ୟ, ଗାଜର ହାଲୱା, ମୋତିଚୁର ଲଡୁ, ୱାଲନଟ-ଫିଗର ହାଲୱା, ଅଙ୍ଗୋରି ରସମାଲାଇ, ଆପଲ କ୍ରମ୍ବଲ ପିଠା, ଫାଲୁଦା ସହିତ ମାଲାଇ କୁଲଫି, ଡାଲ-ବାଦାମ ହାଲୱା, ମିଶ୍ର ମାୱା, ଯୋଧପୁରୀ ମା କାଚୋରୀ ପରିବେଷଣ କରାଯିବ।

ଭାରତୀୟ ମେନୁ ବ୍ୟତୀତ ଥାଇ ଏବଂ ଡାନିଶ ଖାଦ୍ୟ ଏଥିରେ ପ୍ରମୁଖ ହେବ। ଏହା ମିଠା ପାଇଁ ସିଜଲିଙ୍ଗ ବ୍ରାଉନି, ହାଜେଲନଟ, ଚିନାବାଦାମ ଆଇସ୍କ୍ରିମ ଏବଂ କେକ ସହିତ କାକୁଡି ଭାଲିଶ, କୋବି ଏବଂ ଡେନିଶ ଡେନିଶ ବ୍ରେଡ ରୋଲ ମଧ୍ୟ ପରିବେଷଣ କରିବ ।
ଅତିଥିମାନଙ୍କୁ ଦକ୍ଷିଣ ଭାରତୀୟ ରୋଷେଇ ମଧ୍ୟ ପରିବେଷଣ କରାଯିବ। ଏଥିରେ ଉରୁଲାଇ ଭାଥାକ୍କାଲ, ମାଲବାର ପରାଥା, ଇଡଲି ସମ୍ବର୍‌, ପିଆଜ ଚିଲି ଉତ୍କଳ, ମାଇସୋର ଦୋସା ଆଦି ରହିଛି। ଏହା ସହିତ ପାନି ପୁରୀ, ଡାହି ପୁରୀ, ସେଭ ପୁରୀ, ଯୋଧପୁରୀ ମିର୍ଚି ଭଡା, ବିକାନେରୀ ଡାଲ ପାରଳା, ପାଲାଶ, ଲିଲଭା କାଚୋରୀ, ଆଲୁ ଦିଲ ଖୁଶ, ପାଲକ ଚୋଲେ କି ଟିକି, ଯୋଧପୁରୀ କାବୁଲି ପୁଲାଓ ଥାଲି ପରିବେଷଣ କରାଯିବ। ମିଲେଟ ଥାଳିରେ ଗହମ ଏବଂ ଚାଉଳ ଉପସ୍ଥିତ ରହିବ ନାହିଁ । ସେଥିରେ ୫ ପ୍ରକାରର କଠିନ ଶସ୍ୟର ମିଶ୍ରିତ ଡାଲି ରହିବ, କେବଳ ମିଲେଟରୁ ପ୍ରସ୍ତୁତ ମିଠା ରହିବ । ବିଦେଶୀ ଅତିଥିମାନଙ୍କର ଖାଦ୍ୟ ତାଲିକା ସମ୍ପୂର୍ଣ୍ଣ ଶାକାହାରୀ ହେବ। ଏହି ମେନୁରେ କୌଣସି ନନ ଭେଜ ଖାଦ୍ୟ ଦିଆଯିବ ନାହିଁ । ଆମେରିକାର ରାଷ୍ଟ୍ରପତିଙ୍କ ଠାରୁ ଆରମ୍ଭ କରି ଶିଖର ସମ୍ମିଳନୀକୁ ଆସୁଥିବା ୨୫ ରୁ ଅଧିକ ବିଦେଶୀ ଅତିଥିଙ୍କ ପାଇ ବ୍ୟଞ୍ଜନ ପ୍ରସ୍ତୁତ କରିବାର ଦାୟିତ୍ୱ ଆଇଟିସି ପାଇଛି।

ବିଦେଶୀ ଅତିଥିଙ୍କ ପୂର୍ବରୁ ଖାଦ୍ୟକୁ ଖାଇବେ ଗୁପ୍ତଚର ଏଜେନ୍ସି

ଅନ୍ୟପଟେ ଯେକୌଣସି ବିଦେଶୀ ଅତିଥିମାନଙ୍କ ଟେବୁଲରେ ଖାଦ୍ୟ ପହଞ୍ଚିବା ପୂର୍ବରୁ ବିଶ୍ବର ସର୍ବୋଚ୍ଚ ଗୁପ୍ତଚର ସଂସ୍ଥାଗୁଡ଼ିକର ସଦସ୍ୟମାନେ ସେହି ଖାଦ୍ୟକୁ ଛାଖିବେ। ଏହା ପରେ ଆମେରିକା ଭଳି ଅନେକ ପ୍ରମୁଖ ଦେଶର କିଛି ମୁଖ୍ୟ ସୁରକ୍ଷା ଅଧିକାରୀ ଏବଂ ଆସିଥିବା ଡାକ୍ତରମାନେ ସେହି ଖାଦ୍ୟକୁ ଚାଖିବେ। ଏହା ପରେ ହିଁ ଖାଦ୍ୟ ରାଷ୍ଟ୍ରପତି / ପ୍ରଧାନମନ୍ତ୍ରୀଙ୍କ ଟେବୁଲରେ ପହଞ୍ଚିବ। ବିଶେଷ କଥା ହେଉଛି ଯେ ସମସ୍ତ ଅତିଥିମାନେ ରାତ୍ରୀ ଭୋଜନ ଆରମ୍ଭ କରିବା କ୍ଷଣି ସେମାନଙ୍କୁ ସମ୍ପୃକ୍ତ ଦେଶର ଗୁପ୍ତଚର ଏଜେନ୍ସିର ସଦସ୍ୟମାନେ ନଜରରେ ରଖିବେ। ବିଶେଷକରି ଆମେରିକାର ଗୁପ୍ତ ସେବା ଏବଂ MI6 ପରି ଗୁପ୍ତଚର ସଂସ୍ଥା ସେଠାରେ ଉପସ୍ଥିତ ରହିବେ।

ବିଦେଶରେ କ୍ଷତି ଘଟାଇବାକୁ ଷଡଯନ୍ତ୍ର 

ସୂତ୍ରରୁ ପ୍ରକାଶ ଯେ, କୌଣସି ରାଷ୍ଟ୍ରରେ ବିଦେଶୀ ଅତିଥିମାନଙ୍କ ସୁରକ୍ଷା ଏବଂ କ୍ୟାଟରିଂ ପାଇଁ ବିଶେଷ ଯତ୍ନ ନିଆଯାଏ। ଅନେକ ଥର ଏହା ଘଟିଛି ଯେ ଦୁଇ ଦେଶ ପରସ୍ପରର ଶୀର୍ଷ ନେତୃତ୍ୱ କିମ୍ବା ତୃତୀୟ ଦେଶର ନିଜ ଦଳର ବରିଷ୍ଠ ସଦସ୍ୟଙ୍କୁ କ୍ଷତି ପହଞ୍ଚାଇବାକୁ ଯୋଜନା କରୁଥାନ୍ତି। ଏହାକୁ ଦୃଷ୍ଟିରେ ରଖି ଆୟୋଜକ ଦେଶ ଭାବେ ଭାରତ ବିଦେଶୀ ଅତିଥିଙ୍କ ସୁରକ୍ଷା ପାଇଁ ଏକ ଉପଯୁକ୍ତ ପରିସୀମା କରିଛି। ହୋଟେଲ ରହଣି, ସଭା ସ୍ଥାନ ଏବଂ ଅନ୍ୟାନ୍ୟ ସ୍ଥାନ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଛି। ଏଥି ସହିତ ଖାଦ୍ୟ ଉପରେ ବହୁତ ସତର୍କତା ଅବଲମ୍ବନ କରାଯାଇଛି।

ଆମେରିକା କୌଣସି ଦେଶର ସୁରକ୍ଷା ଉପରେ ବିଶ୍ୱାସ କରେ ନାହିଁ

କିଛି ଦେଶ ଅଛନ୍ତି ଯେଉଁମାନେ ଆୟୋଜକ ଦେଶର ସୁରକ୍ଷା ଉପରେ ବିଶ୍ବାସ କରୁଥିବାବେଳେ ଅନ୍ୟ ପଟେ ଅନେକ ଦେଶ ଏହାକୁ ବିଶ୍ବାସ କରନ୍ତି ନାହିଁ। ସେ ତାଙ୍କ ସହିତ ସୁରକ୍ଷା କର୍ମୀଙ୍କ ଏକ ଦଳ ନେଇଥାନ୍ତି। ଏପରି ଦେଶ ମଧ୍ୟରେ ଆମେରିକା ଶୀର୍ଷରେ ଅଛି। ଯଦି ଆମେରିକା ରାଷ୍ଟ୍ରପତି ଅନ୍ୟ ଦେଶକୁ ଯାଆନ୍ତି, କାର ଠାରୁ ଆରମ୍ଭ କରି ସୁରକ୍ଷା କର୍ମୀ ପର୍ଯ୍ୟନ୍ତ ସବୁକିଛି ତାଙ୍କ ସହିତ ଯାଇଥାଏ । ବିଦେଶୀ ଅତିଥିମାନଙ୍କ ପାଇଁ ଯେ କୌଣସି ଖାଦ୍ୟ ପ୍ରସ୍ତୁତ କରାଯାଏ, ଏହାକୁ ଅତି ଯତ୍ନର ସହ ତଦାରଖ କରାଯାଏ। ଉଦାହରଣ ସ୍ୱରୂପ, ଯଦି ଆମେ ଏଠାରେ ଆମେରିକାର ରାଷ୍ଟ୍ରପତି ଜୋ ବାଇଡେନ୍‌ ବିଷୟରେ ଆଲୋଚନା କରିବା, ତାଙ୍କ ସୁରକ୍ଷା ପାଇଁ ଆସିଥିବା ଆମେରିକାର ସିକ୍ରେଟ୍ ସର୍ଭିସ୍ ଦଳ ଖାଦ୍ୟ ଉପରେ ନଜର ରଖିଥାଏ।  ଆମେରିକାର ସିକ୍ରେଟ୍ ସର୍ଭିସ୍  ସବୁ ଡିସ୍ ଯାଞ୍ଚ କରନ୍ତି । ଏହା ପରେ ରାଷ୍ଟ୍ରପତିଙ୍କ ଡାକ୍ତର ତାଙ୍କୁ ପରୀକ୍ଷା କରନ୍ତି। ଏହାପରେ ଖାଦ୍ୟ ରାଷ୍ଟ୍ରପତିଙ୍କ ପାଖରେ ପହଞ୍ଚେ। ଅନ୍ୟପଟେ ଆମେରିକା ରାଷ୍ଟ୍ରପତି ଯେଉଁ ହୋଟେଲରେ ରୁହନ୍ତି, ସେଠାରେ କିଛି ଦିନ ପୂର୍ବରୁ ସିକ୍ରେଟ୍ ସର୍ଭିସର ସଦସ୍ୟମାନେ ଆସି ରହିବା ସହ ଯାଞ୍ଚ କରନ୍ତି। ବିଶେଷ କଥା ହେଉଛି ଯେତେବେଳେ ରାଷ୍ଟ୍ରପତି ଖାଆନ୍ତି, ସେଠାରେ ଡାକ୍ତରମାନେ ଉପସ୍ଥିତ ଥାନ୍ତି। ଏମାନଙ୍କ ବ୍ୟତୀତ ସିକ୍ରେଟ୍ ସର୍ଭିସ୍ ପାଖରେ ରାଷ୍ଟ୍ରପତିଙ୍କ ବ୍ଳଡ୍‌ ଗ୍ରୁପ୍‌ର ରକ୍ତ ପ୍ୟାକେଟ ମଧ୍ୟ ସବୁ ସମୟରେ ଥାଏ। ଯେ କୌଣସି ଜରୁରୀକାଳୀନ ପରିସ୍ଥିତିର ମୁକାବିଲା ପାଇଁ ଏହି ବ୍ୟବସ୍ଥା ସିକ୍ରେଟ୍ ସର୍ଭିସର ଏକ ଅଂଶ ଅଟେ।

ପ୍ରଧାନମନ୍ତ୍ରୀ ସୁନକଙ୍କ ପୂର୍ବରୁ ‘MI-6’ ଭାରତରେ ପହଞ୍ଚିଛି

ସେହିଭଳି ବ୍ରିଟେନର ଗୁପ୍ତଚର ଏଜେନ୍ସି ‘MI-6’ ପ୍ରଧାନମନ୍ତ୍ରୀ ଋଷି ସୁନକଙ୍କ ବିଦେଶ ଗସ୍ତ ପୂର୍ବରୁ ଭାରତରେ ପହଞ୍ଚି ସାରିଛି। ଏହି ସ୍କ୍ୱାର୍ଡର ସଦସ୍ୟମାନେ ପ୍ରଧାନମନ୍ତ୍ରୀଙ୍କ ଟେବୁଲରେ ଖାଦ୍ୟ ପହଞ୍ଚିବା ପୂର୍ବରୁ ସବୁ ଡିସ୍ ଯାଞ୍ଚ କରନ୍ତି। ଏମାନଙ୍କ ସହିତ ପ୍ରଧାନମନ୍ତ୍ରୀଙ୍କ ସହ ଥିବା ଡାକ୍ତର ମଧ୍ୟ ଖାଦ୍ୟ ପରୀକ୍ଷା କରନ୍ତି। ତେବେ ବର୍ତ୍ତମାନ ଚୀନ୍ ରାଷ୍ଟ୍ରପତି ଜି -20 ବୈଠକକୁ ଆସୁନାହାଁନ୍ତି। ତାଙ୍କ ସ୍ଥାନରେ ଚୀନ୍ ପ୍ରଧାନମନ୍ତ୍ରୀ ଦିଲ୍ଲୀରେ ପହଞ୍ଚିବେ। ରାଷ୍ଟ୍ରପତି ସି ଜିନପିଙ୍ଗ ଯେତେବେଳେ ସେ ବିଦେଶ ଯାତ୍ରା କରନ୍ତି ସେତେବେଳେ ଚୀନ୍‌ର ଗୁପ୍ତଚର ଏଜେନ୍ସି ତାଙ୍କ ପାଖେପାଖେ ଥାଆନ୍ତି।

ASIS ଏବଂ BND ସକ୍ରିୟ ରୁହନ୍ତି 

ଅଷ୍ଟ୍ରେଲିଆର ଗୁପ୍ତଚର ଏଜେନ୍ସି, ଅଷ୍ଟ୍ରେଲୀୟ ସିକ୍ରେଟ୍ ଇଣ୍ଟେଲିଜେନ୍ସ ସର୍ଭିସ (ASIS) ଅଷ୍ଟ୍ରେଲିଆର ପ୍ରଧାନମନ୍ତ୍ରୀଙ୍କ ବିଦେଶ ଗସ୍ତ ଉପରେ ନଜର ରଖିଛି। ସେହିଭଳି ବୁଣ୍ଡେସ୍ ନାଚ୍ରିଚଟେଣ୍ଡିଆନ୍ଷ୍ଟ (BND) ହେଉଛି ଜର୍ମାନୀର ଗୁପ୍ତଚର ସଂସ୍ଥା । ରାଷ୍ଟ୍ରପତିଙ୍କ ବିଦେଶ ଗସ୍ତ ପୂର୍ବରୁ ଏହି ଏଜେନ୍ସିର ସଦସ୍ୟମାନେ ସମ୍ପୃକ୍ତ ଦେଶରେ ପହଞ୍ଚିଥାନ୍ତି। ସେଠାରେ, ଏହି ଏଜେନ୍ସିର ସଦସ୍ୟମାନେ ସୁରକ୍ଷା, ହୋଟେଲ ଏବଂ ରୋଷେଇ ଇତ୍ୟାଦି ଯାଞ୍ଚ କରନ୍ତି। ଋଷ ରାଷ୍ଟ୍ରପତି ପୁଟିନ ମଧ୍ୟ ଜି -20 ବୈଠକକୁ ଆସୁନାହାଁନ୍ତି। ସାଧାରଣତ  ସେ ଯେଉଁଆଡେ ଯାଆନ୍ତି, ତାଙ୍କୁ ଫେଡେରାଲ୍ ସିକ୍ୟୁରିଟି ସର୍ଭିସ (FSB) ଘେରି ରହିଥାଏ । ଋଷର ପୁରୁଣା ଗୁପ୍ତଚର ସଂସ୍ଥା ‘କେଜିବି’ର FSB ହେଉଛି ଏକ ନୂତନ ରୂପ ଯାହା ସୋଭିଏତ୍ ୟୁନିଅନର ବିଚ୍ଛିନ୍ନ ହେବା ପରେ ଗଠନ ହୋଇଛି। ରାଷ୍ଟ୍ରପତିଙ୍କ ସୁରକ୍ଷା, ମାର୍ଗ ଏବଂ ଖାଦ୍ୟ ଉପରେ ଏହି ଏଜେନ୍ସି ନଜର ରଖିଥାଏ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଆମେରିକାରେ ପହଞ୍ଚିଛନ୍ତି। ସେଠାରେ ସମସ୍ତେ ତାଙ୍କୁ ଖୋଲା ହୃଦୟରେ ସ୍ବାଗତ କରୁଛନ୍ତି। ସମସ୍ତେ ପ୍ରଧାନମନ୍ତ୍ରୀଙ୍କୁ ଭେଟିବାକୁ ଆଗ୍ରହୀ ଏବଂ ଯେଉଁମାନେ ତାଙ୍କୁ ଭେଟିଛନ୍ତି ସେମାନେ ତାଙ୍କୁ ପ୍ରଶଂସା କରିବାରେ ଲାଗି ପଡିଛନ୍ତି।। ହ୍ୱାଇଟ୍ ହାଉସରେ ମୋଦିଙ୍କୁ ଭବ୍ୟ ସ୍ୱାଗତ କରିଛନ୍ତି ରାଷ୍ଟ୍ରପତି ଜୋ ବାଇଡେନ୍ ଓ ତାଙ୍କ ପତ୍ନୀ ଜିଲ୍ ବାଇଡେନ୍। ହ୍ୱାଇଟ୍ ହାଉସରେ ରାତ୍ରୀକାଳୀନ ଭୋଜି ମଧ୍ୟ ଆୟୋଜିତ ହୋଇଛି । ଏହି ଅବସରରେ ଦୁଇ ଦେଶର ରାଷ୍ଟ୍ର ମୁଖ୍ୟ ପରସ୍ପରଙ୍କୁ ବିଭିନ୍ନ ପ୍ରକାର ଉପହାର ମଧ୍ୟ ପ୍ରଦାନ କରିଛନ୍ତି ।

ରିପୋର୍ଟ ଅନୁସାରେ ବିଂଶ ଶତାବ୍ଦୀ ପ୍ରାରମ୍ଭରେ ହସ୍ତ ନିର୍ମିତ ପ୍ରାଚୀନ ଆମେରିକୀୟ ପୁସ୍ତକକୁ ଉପହାର ସ୍ୱରୂପ ମୋଦିଙ୍କୁ ଭେଟି ଦେଇଛନ୍ତି । ଏହାବ୍ୟତୀତ ବାଇଡେନ୍ ଏକ ବିଣ୍ଟେଜ୍ ଆମେରିକୀୟ କ୍ୟାମେରା, ଜର୍ଜ ଇଷ୍ଟମେନ୍ ଙ୍କ ପ୍ରଥମ କୋଡକ କ୍ୟାମେରାର ପେଣ୍ଟେଣ୍ଟର ଏକ ଅଭିଲେଖୀୟ ପ୍ରତିକୃତି ଏବଂ ଆମେରିକୀୟ ବନ୍ୟଜନ୍ତୁ ଫଟୋଗ୍ରାଫିର ଏକ ହାର୍ଡକବର ପୁସ୍ତକ ଉପହାର ଦେଇଛନ୍ତି ।

ସେହିପରି ବାଇଡେନ ଦମ୍ପତିଙ୍କୁ ୭.୫ କ୍ୟାରେଟ୍‌ର ସବୁଜ ହୀରା ମୋଦି ଉପହାର ସ୍ୱରୂପ ଭେଟି ଦେଇଛନ୍ତି । ରାଜସ୍ଥାନ କାରିଗରଙ୍କ ହଲମାର୍କ ରୁପା ମୁଦ୍ରା ସହ ଗୁଜରାଟର ଲୁଣ, କୋଲକାତାର କାରିଗର ପ୍ରସ୍ତୁତ କରିଥିବା ରୁପାର ନଡ଼ିଆ ଉପହାର ଭାବେ ଦେଇଛନ୍ତି । କର୍ଣ୍ଣାଟକର ଚନ୍ଦନକାଠ, ତାମିଲନାଡୁର ଧଳା ରାଶି, ରାଜସ୍ଥାନର ୨୪ କ୍ୟାରେଟ୍ ସୁଦ୍ଧ ଓ ହଲମାର୍କ ସ୍ୱର୍ଣ୍ଣ ମୁଦ୍ରା ଉପହାର ଦେଇଛନ୍ତି । ଏହାବାଦ ପଞ୍ଜାବରୁ ଆଣିଥିବା ଘିଅ ଦାନ କରିଥିବା ବେଳେ ଝାଡ଼ଖଣ୍ଡରୁ ଆଣିଥିବା ଟସର ସିଲ୍କର କପଡ଼ା ପ୍ରଦାନ କରିଥିଲେ। କେବଳ ଏତିକି ନୁହଁ ଉତ୍ତରାଖଣ୍ଡର ଲମ୍ବା ସରୁ ଚାଉଳ, ମହାରାଷ୍ଟ୍ରର ଗୁଡ଼ ମଧ୍ୟ ଉପହାର ଭାବେ ଦେଇଛନ୍ତି ।

ନୂଆଦିଲ୍ଲୀ: ହିରୋସିମାରେ ଚାଲିଥିବା ଜି-୭ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଲେ ଆମେରିକା ରାଷ୍ଟ୍ରପତି ଜୋ ବାଇଡେନ୍ । ଏହି ଅବସରରେ ମୋଦିଙ୍କୁ ଦେଖି ଆଲିଙ୍ଗନ କରିଥିଲେ ଆମେରିକା ରାଷ୍ଟ୍ରପତି ଜୋ ବାଇଡେନ୍। ପ୍ରତିବଦଳରେ ମୋଦି ମଧ୍ୟ ତାଙ୍କୁ ଆଲିଙ୍ଗନ କରିଥିଲେ । ଏହାସହିତ ଦୁଇ ନେତାଙ୍କ ମଧ୍ୟରେ କିଛି ସମୟ ଆଲୋଚନା ମଧ୍ୟ ହୋଇଥିଲା । ଭାରତ ଓ ଆମେରିକାର ଏଭଳି ସମ୍ପର୍କକୁ ହୁଏତ ଚୀନ୍ ହଜମ କରିନପାରେ । ଜାପାନର ହିରୋସିମାରେ ଆୟୋଜିତ ଜି-୭ ସମ୍ମିଳନୀରେ ଯୋଗ ଦେବା ପାଇଁ ଶନିବାର ପହଞ୍ଚିଛନ୍ତି ପ୍ରଧାନମନ୍ତ୍ରୀ ମୋଦୀ ।

ଏହି ବୈଠକରେ ଜାପାନ ଓ ଆମେରିକା ବ୍ୟତୀତ ବ୍ରିଟେନ୍, ଫ୍ରାନ୍ସ, ଜର୍ମାନୀ, କାନାଡା, ଇଟାଲି ସମେତ ୟୁରୋପୀୟ ସଂଘର ପ୍ରତିନିଧିମାନେ ସାମିଲ ହୋଇଥିଲେ । ବୈଦେଶିକ ସଚିବ ବିନୟ କ୍ୱାତ୍ରାଙ୍କ ମୁତାବିକ ଏହି ବୈଠକରେ ସମ୍ପର୍କ ସୁଦୃଢ, ପ୍ରତିରକ୍ଷା, ଆର୍ଥିକ ସୁରକ୍ଷା, ଜଳବାୟୁ ପରିବର୍ତ୍ତନ, ସୀମା ପ୍ରସଙ୍ଗ, ଖାଦ୍ୟ ଓ ସ୍ୱାସ୍ଥ୍ୟ ବ୍ୟତୀତ ବିକାଶ ବ୍ୟତୀତ ଡିଜିଟାଲିକରଣ, ବିଜ୍ଞାନ ଓ ପ୍ରଯୁକ୍ତି ବିଦ୍ୟା ଆଦି ସମ୍ପର୍କରେ ଆଲୋଚନା କରାଯିବ ।

ପ୍ରଧାନମନ୍ତ୍ରୀ ମୋଦୀ ଜି-୭ ବୈଠକରେ ଯୋଗ ଦେବା ପୂର୍ବରୁ ଏଠାରେ ଜାପାନର ପ୍ରଧାନମନ୍ତ୍ରୀ ଫୁମିଓ କିଶିଡାଙ୍କୁ ସାକ୍ଷାତ କରିଥିଲେ ଓ ମହାତ୍ମା ଗାନ୍ଧୀଙ୍କ ପ୍ରତିମାର ଉନ୍ମୋଚନ କରିଥିଲେ। ଏହି ସମୟରେ ସେ ଦୁନିଆକୁ ଶାନ୍ତ କରିବାର ବାର୍ତ୍ତା ମଧ୍ୟ ଦେଇଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ହିରୋସିମାରେ ମହାତ୍ମା ଗାନ୍ଧୀଙ୍କ ପ୍ରତିମା ସ୍ଥାପିତ କରିବା ଓ ଏହାର ଉନ୍ମୋଚନ କରିବାର ସୁଯୋଗ ଦେବା ପାଇଁ ଜାପାନ ସରକାରଙ୍କୁ ଧନ୍ୟବାଦ ଦେଇଥିଲେ। ସେ କହିଛନ୍ତି, ଆମ ସମସ୍ତଙ୍କୁ ମହାତ୍ମା ଗାନ୍ଧୀଙ୍କ ଆଦର୍ଶରେ ଚାଲିବା ଦରକାର ଓ ବିଶ୍ବ କଲ୍ୟାଣ ମାର୍ଗରେ ଚାଲିବା ଦରକାର। ମହାତ୍ମା ଗାନ୍ଧିଙ୍କୁ ହିଁ ଏହା ପ୍ରକୃତ ଶ୍ରଦ୍ଧାଞ୍ଜଳି ହେବ। ହିରୋସିମାରେ ମହାତ୍ମା ଗାନ୍ଧୀଙ୍କ ମୂର୍ତ୍ତି ଅହିଂସାର ବିଚାରକୁ ଆଗକୁ ବଢାଇବ। ତାଙ୍କୁ ଏହା ଜାଣିବା ଦରକାର ଯେ, ଜାପାନ ପ୍ରଧାନମନ୍ତ୍ରୀଙ୍କୁ ଯେଉଁ ବୋଧି ବୃକ୍ଷ ଉପହାରରେ ଦେଇଥିଲେ, ତାହା ହିରୋସିମାରେ ଲଗାଯାଇଥିଲା, ଫଳରେ ଲୋକମାନେ ଏଠାକୁ ଆସିଲେ ଶାନ୍ତିର ମହତ୍ବକୁ ବୁଝିପାରିବେ।

ୱାଶିଂଟନ: ଆମେରିକାରେ ୟୁକ୍ରେନ୍ ରାଷ୍ଟ୍ରପତି ଭୋଲୋଦିମିର ଜେଲେନସ୍କି । ରୁଷ୍‌ ଆକ୍ରମଣ କରିବାର ୩୦୦ ଦିନ ପରେ ଏହା ହେଉଛି ଜେଲେନ୍‌ସ୍କିଙ୍କ ପ୍ରଥମ ବିଦେଶ ଗସ୍ତ। ଋଷ-ୟୁକ୍ରେନ୍ ଯୁଦ୍ଧ ମଝିରେ ପ୍ରଥମ ଥର ପାଇଁ ଆମେରିକା ଗସ୍ତ କରିଛନ୍ତି ଜେଲେନ୍ସକି । ଆମେରିକା ରାଷ୍ଟ୍ରପତି ଜୋ ବାଇଡେନଙ୍କୁ ଭେଟିବା ସହ ୟୁଏସ ସଂସଦକୁ ସମ୍ବୋଧିତ କରିଛନ୍ତି ଜେଲେନ୍ସକି । ୟୁକ୍ରେନ ଆଲାଇଭ୍ ଆଣ୍ଡ କିକିଂ ବୋଲି କହିଛନ୍ତି ଜେଲେନ୍ସକି ।

ୟୁକ୍ରେନ ପଡ଼ିଯାଇନି କି ହାରିଯାଇନି, ଏବେବି ୟୁକ୍ରେନ ବଞ୍ଚିଛି, ଲଢ଼ୁଛି ଏବଂ ଶେଷ ଯାଏଁ ଲଢ଼ିବ ବୋଲି ଜେଲେନ୍ସକି କହିଛନ୍ତି । ଋଷ ଆଗରେ ୟୁକ୍ରେନ କେବେବି ମୁଣ୍ଡ ନୁଆଁଇବ ନାହିଁ ବୋଲି କହିଛନ୍ତି । ଋଷକୁ ଜୋରଦାର ଜବାବ ଦେବ ୟୁକ୍ରେନ । ଆଉ ୨ ଦିନ ପରେ ବିଶ୍ବ ପାଳିବ ଖ୍ରୀଷ୍ଟମାସ । ୟୁକ୍ରେନ ବି ଏହି ଉତ୍ସବ ପାଳିବ । ୟୁକ୍ରେନରେ ନା ବିଦ୍ୟୁତ ଅଛି ନା ପାଣି । ତଥାପି ଆମ ଭିତରେ ଥିବା ଆମ ଆତ୍ମବିଶ୍ବାସର ଉଜ୍ବଳତା ଆମ ଉତ୍ସବକୁ ଆହୁରି ଦ୍ବିଗୁଣିତ କରିବ ବୋଲି ସେ କହିଛନ୍ତି ।

ଯଦି ଋଷ କ୍ଷେପଣାସ୍ତ୍ର ଆକ୍ରମଣ କରେ, ୟୁକ୍ରେନ୍ ମଧ୍ୟ ତାର ଦମଦାର ଜବାବ ଦେବ ବୋଲି ଦୃଢ଼ତାର ସହ କହିଛନ୍ତି ଜେଲେନସ୍କି । ଋଷର ଅତ୍ୟାଚାର କରି ମଧ୍ୟ ଆମ ଉପରେ ନିୟନ୍ତ୍ରଣ ରଖିପାରିନାହିଁ । ଋଷ-ୟୁକ୍ରେନ୍ ଯୁଦ୍ଧକୁ ପାଖାପାଖି ବର୍ଷେ ହେଲାଣି । ୨୦୨୧ ଫେବ୍ରୁଆରୀ ୨୪ରେ ଆରମ୍ଭ ହୋଇଥିଲା ଯୁଦ୍ଧ ।

ନୂଆଦିଲ୍ଲୀ : ରୁଷ-ୟୁକ୍ରେନ ଯୁଦ୍ଧ ଦିନକୁ ଦିନ ବିଶ୍ବ ରାଜନୈତିକ ଦୃଶ୍ୟପଟରେ ପରିବର୍ତ୍ତନ ଆଣି ଚାଲିଥିଲା ବେଳେ ବିଭିନ୍ନ ରାଷ୍ଟ୍ର ମଧ୍ୟରେ କୂଟନୈତିକ ଧାରାକୁ ମଧ୍ୟ ଓଲଟପାଲଟ କରିଦେଇଛି। ଇତି ମଧ୍ୟରେ ଅନେକ ରାଷ୍ଟ୍ର ରୁଷିଆ ବିରୋଧରେ ପଦକ୍ଷେପ ନେଇ ଏହାର କୂଟନୀତିଜ୍ଞମାନଙ୍କୁ ବିଦା କରିଦେଇଛନ୍ତି। ଏହିକ୍ରମରେ ରୁଷ ମଧ୍ୟ ପଦକ୍ଷେପ ନେଇଛି। ପୂର୍ବରୁ ରୁଷିଆ ବହୁ ଆମେରିକୀୟ କୂଟନୀତିଜ୍ଞଙ୍କ ସହ ତୁଙ୍ଗ ନେତାମାନଙ୍କୁ ରୁଷିଆରେ ପ୍ରବେଶ କରିବା ଉପରେ ପ୍ରତିବନ୍ଧକ ଲଗାଇସାରିଛି।

ଏବେ ରାଷ୍ଟ୍ରପତି ଜୋ ବାଇଡେନ ମଧ୍ୟ ଏହି ତାଲିକାରେ ସାମିଲ ହୋଇଛନ୍ତି। ତେବେ ସବୁଠାରୁ ବଡ଼ କଥା ହେଲା ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କିନ୍ତୁ ଏଥିରୁ ବାଦ୍‌ ପଡ଼ିଛନ୍ତି। ରୁଷିଆରେ ପ୍ରବେଶ କରିବା ପାଇଁ ଟ୍ରମ୍ପଙ୍କ ପାଇଁ କୌଣସି ପ୍ରତିବନ୍ଧକ ନାହିଁ ବୋଲି ରୁଷ ବୈଦେଶିକ ମନ୍ତ୍ରାଳୟ ପକ୍ଷରୁ କୁହାଯାଇଛି। ଉଲ୍ଲେଖଯୋଗ୍ୟ ଯେ, ପୂର୍ବରୁ ଆମେରିକାର ବହୁ ସଚିବ ଏବଂ ଉପରାଷ୍ଟ୍ରପତି କମଳା ହାରିସ୍‌ଙ୍କୁ ମଧ୍ୟ ରୁଷରେ ପ୍ରବେଶ କରିବା ଦିଗରେ ରୁଷ ସରକାର ପ୍ରତିବନ୍ଧକ ଲଗାଇ ସାରିଛନ୍ତି।

କିଭ୍: ଋଷ ଆକ୍ରମଣ କରିବା ପରଠାରୁ ୟୁକ୍ରେନ୍‌କୁ ଖୋଲାଖୋଲି ସମର୍ଥନ ଦେଇଆସୁଛି ଆମେରିକା ।ଋଷର ଆକ୍ରମଣ ପରେ ୟୁକ୍ରେନ ନିଜକୁ କେମିତି ସଶକ୍ତ କରିବ ସେଥିପାଇଁ ଆମେରିକା ସବୁବେଳେ ସହଯୋଗ କରିଆସୁଛି । ଏହାରି ମଧ୍ୟରେ ଆମେରିକା ରାଷ୍ଟ୍ରପତି ଜୋ ବାଇଡେନ୍‌ ୟୁକ୍ରେନ୍‌କୁ ୩୩ ବିଲିୟନ ଡଲାରର ସହାୟତା ଘୋଷଣା କରିଛନ୍ତି ।

ଏଥିରେ ୨୦ ବିଲିୟନ ଡଲାର ୟୁକ୍ରେନ୍‌ ସେନା, ୮.୫ ବିଲିୟନ ଡଲାର ଆର୍ଥିକ ସ୍ଥିତିକୁ ମଜଭୁତ କରିବା ଏବଂ ତିନି ବିଲିୟନ ଡଲାର ଲୋକଙ୍କୁ ସୁରକ୍ଷିତ ଉଦ୍ଧାର କରିବା ପାଇଁ ଖର୍ଚ୍ଚ ହେବ । ଦଳ ଗତ ନିର୍ବିଶେଷ ୟୁକ୍ରେନ୍‌କୁ ସହାୟତା କରିବା ପାଇଁ ଆଗେଇ ଆସିବାକୁ ବାଇଡେନ୍‌ ଆମେରିକାର ସିନେଟରେ ଉଦବୋଧନ ଦେଇଛନ୍ତି । ୟୁକ୍ରେନ୍‌କୁ ଆମେରିକା ସବୁ ପ୍ରକାର ସହାୟତା ଦେଉଥିବା ବେଳେ ଆମେରିକା ଋଷ୍‌ ଉପରେ କାହିଁକି ଆକ୍ରମଣ କରୁନାହିଁ ବୋଲି ପ୍ରଶ୍ନ ଉଠୁଛି ।

ସେପଟେ, ଋଷ୍‌ରେ ଆକ୍ରମଣ କଲେ ଯୁଦ୍ଧ ଆହୁରି ଭୟାନକ ହେବ ବୋଲି ଆମେରିକାର ଜଣେ ସାଂସଦ କହିଛନ୍ତି । ଆଉ ପ୍ରତିବଦଳରେ ୟୁକ୍ରେନ୍‌କୁ ଋଷ୍‌ର ସମକକ୍ଷ କରିବା ପାଇଁ ଚେଷ୍ଟା କରାଯାଉଛି । ଏହାଦ୍ବାରା ଆଗକୁ ଋଷ୍‌ ସହ କଡାକଡ଼ି ଭାବେ ମୁକାବିଲା କରିପାରିବ ୟୁକ୍ରେନ୍‌ । ଆଗକୁ ମଧ୍ୟ ଆର୍ଥିକ ସହାୟତା ଜାରି ରହିବ ବୋଲି ଆମେରିକା କହିଛି ।

ଓ୍ୱାଶିଂଟନ୍: ଋଷ ଓ ୟୁକ୍ରେନ ମଧ୍ୟରେ ଜାରି ରହିଛି ଜୋରଦାର ଯୁଦ୍ଧ । ଏହି ଯୁଦ୍ଧ ଆଜି ସପ୍ତମ ଦିନରେ ପହଞ୍ଚିଛି । ୟୁକ୍ରେନ ବିରୋଧରେ ଯୁଦ୍ଧ କରି ବିଶ୍ୱ ଦରବାରରେ ଏକ ଘରକିଆ ହେଉଛି ରୁଷିଆ । ଏବେ ରୁଷ୍ ବିରୋଧରେ ବଡ଼ ଘୋଷଣା କରିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ୍ । ରୁଷକୁ ଆମେରିକାର ବାୟୁସୀମା ବନ୍ଦ କରିଛନ୍ତି । ଅର୍ଥାତ ଆମେରିକା ଆକାଶରେ ରୁଷର କୌଣସି ବିମାନକୁ ଉଡ଼ିବାକୁ ଦିଆଯିବ ନାହିଁ । ଆମେରିକାର ମିଳିତ କଂଗ୍ରେସକୁ ସମ୍ବୋଧନ ବେଳେ ଏଭଳି ଘୋଷଣା କରିଛନ୍ତି ବାଇଡେନ୍ । ୟୁକ୍ରେନ୍ ଉପରେ ଆକ୍ରମଣକୁ କଡ଼ା ଭର୍ତ୍ସନା କରିଛନ୍ତି । ବାଇଡେନ୍ କହିଛନ୍ତି, ରୁଷ ଉପରେ ହୋଇଥିବା ଆକ୍ରମଣ ଗଣତନ୍ତ୍ର ଉପରେ ଏକଛତ୍ରବାଦର ଆକ୍ରମଣ । ସେହିପରି ରୁଷିଆକୁ ମିଳୁଥିବା ବୈଷୟିକ ଜ୍ଞାନକୌଶଳକୁ ବନ୍ଦ ନେଇ ଘୋଷଣା କରିଛନ୍ତି ଜୋ ବାଇଡେନ୍ । ରୁଷର ଆଭିମୁଖ୍ୟକୁ କଡ଼ା ନିନ୍ଦା କରିବା ସହ ୟୁକ୍ରେନ୍ ସହ ଆମେରିକା ରହିଛି ବୋଲି ବାଇଡେନ୍ କହିଛନ୍ତି । ୟୁକ୍ରେନ ସହ ଆମେରିକା ପ୍ରାଚୀର ଭଳି ଠିଆ ହେବ । ରୁଷିଆ ଯୁଦ୍ଧ କରି କିଛି ଫାଇଦା ପାଇପାରେ । କିନ୍ତୁ ଦୀର୍ଘ ମିଆଦି ସୂତ୍ରରେ ବହୁ ମୂଲ୍ୟ ଦେବ ବୋଲି କହିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ୍ ।

ୱାଶିଂଟନ: କରୋନା ମହାମାରୀ ସାରା ଦେଶରେ ତାର ପ୍ରକୋପ ଦେଖାଇଛି। ପୂର୍ବରୁ କରୋନା ଭୂତାଣୁ ପାଇଁ ଆମେରିକା ଚୀନକୁ ଦାୟୀ କରିଥିଲେ ମଧ୍ୟ ଚୀନ ବିରୁଦ୍ଧରେ ପ୍ରମାଣ ଏପର୍ଯ୍ୟନ୍ତ ମିଳି ପାରିନାହିଁ। ଭାଇରସର ଉତ୍ପତି ସ୍ଥଳକୁ ନେଇ ବିଶ୍ବ ସ୍ବାସ୍ଥ୍ୟ ସଙ୍ଗଠନ ମଧ୍ୟ ସେଭଳି କିଛି ପ୍ରମାଣ ପାଇ ପାରି ନାହିଁ।  ଏହାରି ମଧ୍ୟରେ କରୋନା ମହମାରୀ ଉତ୍ପତି ସ୍ଥଳ ନେଇ ଆମେରିକା ତଦନ୍ତ ଆରମ୍ଭ କରିଛି । ରାଷ୍ଟ୍ରପତି ଜୋ ବାଇଡେନ ୯୦ ଦିନ ମଧ୍ୟରେ ଏହା ସମ୍ପର୍କରେ ସମ୍ପୂର୍ଣ୍ଣ ତଥ୍ୟ ଦେବା ପାଇଁ ଗୋଇନ୍ଦା ବିଭାଗକୁ ନିର୍ଦ୍ଦେଶ ଦେଇଛନ୍ତି । ଯାହା ଫଳରେ ଚୀନର ମୁଣ୍ଡ ବ୍ୟଥା ଆରମ୍ଭ ହୋଇଛି । ଚୀନର ଉହାନରୁ କରୋନା ସଂକ୍ରମଣ ବ୍ୟାପିଥିବା ସନ୍ଦେହ କରାଯାଉଛି । ଚୀନ ଏଥିରେ ସହଯୋଗ କରୁ ବୋଲି ବାଇଡେନ କହିଛନ୍ତି । କରୋନା ବ୍ୟାପିବା ପୂର୍ବରୁ ଉହାନ ଲ୍ୟାବର ୩ ଗବେଷକ ଏଥିରେ ସଂକ୍ରମିତ ହୋଇଥିଲେ । ବର୍ତମାନ ଆମେରିକା ଗୋଇନ୍ଦା ବିଭାଗର ରିପୋର୍ଟ ଉପରେ ସମଗ୍ର ଦେଶର ନଜର ରହିବ ।

ୱାଶିଂଟନ: ଆମେରିକା ରାଷ୍ଟ୍ରପତି ଜୋ ବାଇଡେନ ବିମାନର ଶିଡିରେ ଚଢିବା ବେଳେ ଖସିପଡୁଥିବାର ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓରେ ଜୋ ବାଇଡେନ୍‌ଙ୍କ ତିନି ଥର ଗୋଡ଼ ଖସିଥିବା ଚ୍ଚିତ୍ର ଦେଖିବାକୁ ମିଳିଛି। ୱାଶିଂଟନ୍‌ରୁ ଆଟଲାଣ୍ଟା ଅଭିମୁଖେ ଯାତ୍ରା କରିବା ପାଇଁ ବିମାନ ଉପରେ ଚଢ଼ୁଥିବା ବେଳେ ଏହି ଘଟଣା ଘଟିଛି ।

WATCH: Biden falls three times trying to climb the stairs to board Air Force One pic.twitter.com/IfDUjLPQB4

— Breaking911 (@Breaking911) March 19, 2021

ସେନାବାହିନୀକୁ ଅଭିବାଦନ ଜଣାଇବା ପରେ ସେ ଆଟଲାଣ୍ଟା ଅଭିମୁଖେ ଯାତ୍ରା କରିଥାନ୍ତେ। ସେ ଆଟଲାଣ୍ଟରେ ଏସିଆ-ଆମେରିକୀୟ ଦେଶର ନେତାଙ୍କ ସହ ଆଲୋଚନା କରିଥା’ନ୍ତେ। ତେବେ ଏହା ପୂର୍ବରୁ ବିମାନରେ ଚଢ଼ିବା ବେଳେ ବାଇଡେନ୍‌ଙ୍କ ଗୋଡ଼ ଖସି ଯାଇଥିଲା। ଥରେ ଗୋଡ଼ ଖସିବା ପରେ ସେ ନିଜକୁ ସମ୍ଭାଳି ପୁଣି ଥରେ ବିମାନର ଶିଡି ଚଢ଼ିଥିଲେ। କିନ୍ତୁ ସେଥିରେ ମଧ୍ୟ ସେ ବିଫଳ ହୋଇଥିଲେ। ଏଭଳି ତିନି ଥର ଗୋଡ଼ ଖସିବା ପରେ ବାଇଡେନ୍ ବିମାନରେ ଚଢ଼ିଥିଲେ।