ପୁନେ: ଆଜି ଭାରତ ଓ ଶ୍ରୀଲଙ୍କା ମଧ୍ୟରେ ଖେଳାଯିବ ଦ୍ବିତୀୟ ଟି-୨୦ ମ୍ୟାଚ । ପୁନେର ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ମୁହାଁମୁହିଁ ହେବେ ଉଭୟ ଦଳ । ସଂଧ୍ୟା ୭ଟାରେ ଖେଳାଯିବ ମ୍ୟାଚ । ହାର୍ଦ୍ଦିକ ପାଣ୍ଡିଆଙ୍କ ଅଧିନାୟକତ୍ବରେ ପଡ଼ିଆକୁ ଓହ୍ଲାଇବ ମେନ୍‌ ଇନ୍ ବ୍ଲ୍ୟୁ ଟିମ୍‌। ପ୍ରଥମ ଟି-୨୦ ଜିତି ସିରିଜରେ ୧-୦ ଅଗ୍ରଣ ରହିଛି ଟିମ୍ ଇଣ୍ଡିଆ ।

ତେଣୁ ଆଜିର ମ୍ୟାଚ ଜିତି ସିରିଜ୍ ହାତେଇବା ଲକ୍ଷ୍ୟରେ ଟିମ୍ । ଗତ ମ୍ୟାଚ ମାତ୍ର ୨ ରନରେ ଜିତିଥିଲା ଭାରତ । ଶ୍ରୀଲଙ୍କାର ବ୍ୟାଟ୍ସମ୍ୟାନଙ୍କ ପ୍ରଦର୍ଶନ ସେତେଟା ଭଲ ନଥିଲା । ତେଣୁ ବିଗତ ମ୍ୟାଚର ତ୍ରୁଟି ସୁଧାରି ଦଳ କମବ୍ୟାକ କରିବା ଚକ୍କରରେ ରହିଛି । ତେବେ ଆଜିର ମ୍ୟାଚରେ ଭାରତ ପକ୍ଷରୁ ଟିମ୍ ଇଲେଭେନରେ କୌଣସି ପରିବର୍ତ୍ତନ ହେବା ସମ୍ଭାବନା ନଥିବା ସୂଚନା ମିଳିଛି ।